გიორგი მელაძე

დაბადების ადგილი: სოფელი მათხოჯი, ხონის რაიონი.

დაამთავრა საქართველოს სასოფლო-სამეურნეო ინსტიტუტის სუბტროპიკული მეურნეობის ფაკულტეტი სწავლული აგრონომის კვალიფიკაციით 1953 წელს.

განაწილებით სამუშაოდ წავიდა მუხაესტატეს (ქობულეთის რ-ნი) ციტრუსების მეურნეობაში აგრონომად. 1954 წელს არჩეულ იქნა ჩაისა და სუბტროპიკული კულტურების სამეცნიერო-კვლევით ინსტიტუტში უმცროს მეცნიერ თანამშრომლად; 1958-1961წწ. ამავე ინსტიტუტში გაიარა ასპირანტურის კურსი; 1963 წელს აირჩიეს ამიერკავკასიის ჰიდრომეტეოროლოგიური ინსტიტუტის უფროსი მეცნიერი თანამშრომლის თანამდებობაზე, 1979 წლიდან ამავე ინსტიტუტის აგრომეტეოროლოგიის განყოფილების გამგედ. შეთავსებით მუშაობდა აგრარულ უნივერსიტეტში პროფესორის თანამდებობაზე. გამოქვეყნებული აქვს 110-ზე მეტი სამეცნიერო ნაშრომი, მათ შორის 6 მონოგრაფია. მიღებული აქვს სახალხო მეურნეობის მიღწევათა გამოფენის ბრინჯაოს მედალი (1986). გეოგრაფიულ მეცნიერებათა დოქტორი, პროფესორი (1988).

საკანდიდატო დისერტაციის თემა - "ახალი სუბტროპიკული რაიონების აგროკლიმატური დახასიათება", დაიცვა 1962 წელს; სადოქტორო დისერტაციის თემა - "სუბტროპიკული ტექნიკური კულტურების წარმოების აგროკლიმატური პირობების გამოკვლევა კავკასიის ტერიტორიაზე, მათი განვითარებისა და მოსავლის აგრომეტეოროლოგიური პროგნოზების მეთოდები", დაიცვა 1975 წელს (ქ. ლენინგრადი).

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.191-192; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.24

• საქართველოს ეკოლოგიურ მეცნიერებათა აკადემია, ნამდვილი წევრი (1999-)

• 2001 - ღირსების ორდენი
• 1983 - საქართველოს დამსახურებული აგრონომი
• 1970 - მედალი "შრომითი მამაცობისთვის"

• მცენარეთა ეკოლოგია : სახელმძღვ. უმაღლ. სასწ. სტუდენტებისათვის (თანაავტორი). - თბილისი, ფირმა "მერაბ აბელაშვილი", 2003. - 278გვ.
• აგრომეტეოროლოგია : სახელმძღვ. სას-სამ. და სუბტრ. მეურნ. ინ-ტების სტუდ. (თანაავტორი). - თბილისი, განათლება, 1991. - 374გვ.
• სუბტროპიკული ტექნიკური კულტურების აგროკლიმატური პირობები და პროგნოზები (ავტორი). - თბილისი, საბჭ. საქართველო, 1971. - 156გვ.