ხალილ ფშანავა

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი 1946 წელს.

სასწავლებელის დამთავრების შემდეგ განაწილებით კასპიის საზღვაო სანაოსნოში მოხვდა; 1948 წლამდე ცურავდა კასპიის საზღვაო სანაოსნოს გემებზე, თავდაპირველად მატროსად, შემდეგ კაპიტნის თანაშემწედ, ბოლოს კი იქვე გახდა კაპიტანიც; მოგვიანებით კასპიაზე მიღებული ცოდნა და გამოცდილება მას შავი ზღვის სანაოსნოს დამხმარე ფლოტის  გემებზე საქმიანობისას გამოადგა, სადაც 1954 წლამდე მოუწია დარჩენა; 1954-1955 წწ. იყო ცნობილი ანტარქტიდის ვეშაპმჭერი ფლოტილიის - "Слава"-ს გემების კაპიტნის თანაშემწე და კაპიტანი; 1955 წელს მშობლიურ ქალაქში დაბრუნდა და საქმიანობა ბათუმის საზღვაო ნავსადგურში გააგრძელა; შრომითი საქმიანობის პარალელურად და მრავალწლიანი საზღვაოსნო გამოცდილების თეორიული ცოდნით გასაღრმავებლად 1971 წელს დაუსწრებლად ოდესის უმაღლესი საზღვაო-საინჟინრო სასწავლებლის (ОВИМУ) ფლოტის ექსპლუატაციის ფაკულტეტიც დაამთავრა; 1959 წლიდან  სიცოცხლის ბოლომდე ბათუმის პორტის კაპიტანი იყო. საზღვაო დარგისა და ფლოტის მართვის  გამოცდილი და ამაგდარი სპეციალისტი დამსახურებული ავტორიტეტის გამო უყვარდათ და პატივს სცემდნენ. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com