ოლღა პეტრიაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ჰიდროლოგიის სპეციალობით 1940 წელს.

1940-1941წწ. მუშაობდა ჰიდრომეტეოროლოგიურ სამმართველოში; 1941-1947წწ. მასწავლებლად და სასწავლო ნაწილის გამგედ რუისის (ქარელის რ-ნი) საშუალო სკოლაში; 1947-1992წწ. თბილისის სახელმწიფო უნივერსიტეტში ფიზიკური გეოგრაფიის კათედრაზე. გამოქვეყნებული აქვს 90-ზე მეტი სამეცნიერო და მეთოდური ხასიათის ნაშრომი. მათში მოცემულია საველე და კამერალური კვლევების საფუძველზე მიღებული შედეგები საქართველოს რიგი რაიონების ბუნებრივი რესურსების შესახებ. გეოგრაფიულ მეცნიერებათა კანდიდატი, დოცენტი.

საკანდიდატო დისერტაციის თემა - "თრიალეთის ქედის ჩრდილო ფერდობის ფიზიკურ-გეოგრაფიული დახასიათება (მდ. თეძამის, ტანის და ძამის აუზების ფარგლებში)", დაიცვა 1963 წელს (ქ. ბაქოს უნივერსიტეტი).

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.221

• მოგზაურობა სსრ კავშირის ქალაქებში : დამხმ. მასალა გეოგრაფიაში (ავტორი). - თბილისი, განათლება, 1987. - 103გვ.
• მოგზაურობა საქართველოს რუკაზე : დამხმარე მასალა გეოგრაფიაში V-IX კლ. მოსწავლეთათვის (ავტორი). - თბილისი, განათლება, 1983. - 89გვ.