ვახტანგ რუხაძე

დაბადების ადგილი: სოფელი იანეთი, სამტრედიის რაიონი.

დაამთავრა თბილისის სახელმწიფო უნივერსიტეტის საბუნებისმეტყველო ფაკულტეტი გეოგრაფია-გეოლოგიის პროფილით 1933 წელს.

1934 წელს მუშაობა დაიწყო ჰიდრომეტეოროლოგიურ სამმართველოში მეცნიერ-მუშაკად; 1955-1976წწ. - ჰიდროპროგნოზების განყოფილების გამგედ. გამოქვეყნებული აქვს 12 სამეცნიერო ნაშრომი, რომლებშიც მოცემულია ჰიდროლოგიური პროგნოზების ახალი მეთოდები, ამიერკავკასიის მდინარეების ჩამონადენისა და ხარჯის მოკლე და გრძელვადიანი პროგნოზები. გეოგრაფიულ მეცნიერებათა კანდიდატი.

საკანდიდატო დისერტაციის თემა - "მდ. ხრამის ჩამონადენის ფორმირება და მისი წანამძღვრები სხვადასხვა პერიოდისათვის", დაიცვა 1962 წელს (ქ. ბაქო).

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.225