მარიკა დარჩია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი; ლონდონის PR ინსტიტუტის (1993) და რუსეთის საზოგადოებასთან ურთიერთობის ასოციაციის საზოგადოებასთან ურთიერთობის კურსები.

1975-1988წწ. იყო საქართველოს მეცნიერებათა აკადემიის მორფოლოგიის ინსტიტუტის ასპირანტი და უფროსი მეცნიერ-თანამშრომელი; 1988-1995წწ. საქართველოს ტელევიზიისა და რადიომაუწყებლობების გადაცემების: "პიკის საათი", "ალიონი", "ქალებისათვის" - ავტორი;  1993-1995წწ. გაეროს პროექტი "სახელმწიფო მართვა და სამოქალაქო საზოგადოება"- საზოგადოებასთან ურთიერთობის ჯგუფის ხელმძღვანელი; 1995 წელს ჩამოაყალიბა "თბილისის PR ცენტრი". მისი იდეით განხორციელდა რამდენიმე მნიშვნელოვანი პროექტი: "50 წიგნი, რომელიც უნდა წაიკითხო სანამ ცოცხალი ხარ" და "მაკლიტერატურა". 2004-2007წწ. შეფასებისა და გამოცდების ეროვნული ცენტრის საზოგადოებასთან ურთიერთობის ჯგუფის ხელმძღვანელი; 2005 წლიდან არის გრიგოლ რობაქიძის სახელობის უნივერსიტეტისა და  საზოგადოებრივ საქმეთა ინსტიტუტის (ჯიპა) ლექტორი, PR მცირე ბიბლიოთეკის და პირველი PR ორგანიზაციის დამფუძნებელი, "მედია პალიტრის" კრეატიული დირექტორი (2007-2017); საავტორო გადაცემა "სტუმრად მარიკა დარჩიასთან ერთად" (2013) ავტორი და წამყვანი; 2015-2017წწ. საქართველოს ეროვნული მუზეუმის მეგობრების საზოგადოებასთან ურთიერთობის კონსულტანტი; 2017 წლიდან არის თბილისის მე-6 მოწვევის საკრებულოს წევრი, საარჩევნო ბლოკი: ''ქართული ოცნება ",  საარჩევნო ფორმა: პროპორციული წესით. მიღებული აქვს პროფესიული პრემია "ოქროს აფრა", საქართველოში საზოგადოებასთან ურთიერთობის სპეციალობის განვითარებაში შეტანილი განსაკუთრებული წვლილისთვის; ჟურნალისტთა საერთაშორისო ჯილდო "ოქროს ფრთა" (2014), როგორც ქართულ ჟურნალისტიკაში ყველაზე ინტელექტუალ ადამიანს. მეცნიერებათა დოქტორი.

წყარო: media.ge; თბილისის საკრებულო: tbsakrebulo.gov.ge; გაზეთი "ახალი თაობა": akhalitaoba.ge

• ევროსაბჭოს ადგილობრივი და თვითმმართველობის კონგრესი, საქართველოს თვითმმართველობის დელეგაციის თავმჯდომარე (1999-2002)
• თბილისის მერიის კულტურულ ღონისძიებათა ცენტრის საგამომცემლო კომისია, წევრი (2013-2016)
• თბილისის მუნიციპალიტეტის მე-6 მოწვევის საკრებულო, თავმჯდომარის მოადგილე (2017-)
• თბილისის მუნიციპალიტეტის მე-6 მოწვევის საკრებულოს განათლებისა და კულტურის კომისია, წევრი (2017-)
• თბილისის მუნიციპალიტეტის მე-6 მოწვევის საკრებულოს სახელდებისა და სიმბოლიკის კომისია, წევრი (207-)
• თბილისის საკრებულო , წევრი (1998-)
• თბილისის საკრებულოს საზოგადოებასთან ურთიერთობისა და საგარეო საქმეთა კომისია, თავმჯდომარე (1998-2002)
• საქართველოს გადამხდელთა კავშირი, თავმჯდომარის მოადგილე (1996-1998)
• საქართველოს მწვანეთა მოძრაობა, თანათავმჯდომარე (1990-1998)
• ყოველწლიური კონკურსი ჟურნალისტებისათვის "დედაქალაქი", დამფუძნებელი და ხელმძღვანელი (1999-2003)

• საზოგადოებასთან ურთიერთობა სამთავრობო სტრუქტურებში (ავტორი). - თბილისი, 2007. - 100გვ.