ეთერ სუხიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი გეოფიზიკის სპეციალობით.

მუშაობა დაიწყო ამიერკავკასიის ჰიდრომეტეოროლოგიის ინსტიტუტში, 1968 წლიდან უფროსი მეცნიერ-თანამშრომელი. გამოქვეყნებული აქვს 60-ზე მეტი სამეცნიერო ნაშრომი, რომელთა ნაწილი დანერგილია სახალხო მეურნეობის შესაბამის დარგებში. ასეთ შრომებს მიეკუთვნება: "ქარის რეჟიმი საქართველოში", "ქარის საანგარიშო სიჩქარეები კავკასიაში", "საქართველოს შავი ზღვის სანაპიროს ბუნებრივ-საკურორტო რესურსები", "მცირე კავკასიონის აღმოსავლეთ ნაწილის საკურორტო და რეკრეაციული რესურსების კლიმატი" და სხვ. შედგენილი აქვს 7 რუკა. მიღებული აქვს სახელმწიფო ჯილდოები, მათ შორის: საქართველოს სსრ უმაღლესი საბჭოს პრეზიდიუმის საპატიო სიგელი (1983), სსრკ გეოგრაფიული საზოგადოების საპატიო დიპლომი (1984), სათბობ-ენერგეტიკის სამინისტროსა და საქენერგოს მიერ გამოცხადებული კონკურსის პირველი პრემია (1995). გეოგრაფიულ მეცნიერებათა კანდიდატი.

საკანდიდატო დისერტაციის თემა - "ქარის რეჟიმი საქართველოს ტერიტორიაზე", დაიცვა 1966 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.238; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.334

• 2000 - ღირსების ორდენი
• 1988 - საქართველოს სოფლის მეურნეობის დამსახურებული მუშაკი

• Прогноз гидрометеорологических условий Колхидской низменности после осушения (ავტორი). - Ленинград , Гидрометеоиздат, 1983. - 247с.