მერაბ ფუტკარაძე

დაბადების ადგილი: სოფელი კვიახიძეები, შუახევის რაიონი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტი გეოგრაფია-ბილოგიის სპეციალობით 1985 წელს. 1988-1991წწ. გაიარა დასწრებული ასპირანტურის კურსი საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტში ეკონომიკური გეოგრაფიის სპეციალობით.

1985-1988წწ. შუახევის რაიონის სოფ. გოგინაურის არასრული საშუალო სკოლის გეოგრაფიისა და ბიოლოგიის მასწავლებელი; 1992-1993წწ. შოთა რუსთაველის სახელმწიფო უნივერსიტეტის  გეოგრაფიის კათედრის მასწავლებელი; 1993-1994წწ. უფროსი მასწავლებელი; 1994–2004წწ. ბუნებისმეტყველება-გეოგრაფიისა და გეოგრაფია-ეკოლოგიის ფაკულტეტების დეკანის მოადგილე; 1995–2006წწ. გეოგრაფიის კათედრის დოცენტი; 2006-2013წწ. გეოგრაფიის დეპარტამენტის ასოცირებული პროფესორი; 2013 წლიდან შოთა რუსთაველის სახელმწიფო უნივერსიტეტი, გეოგრაფიის დეპარტამენტის პროფესორი. მისი სამეცნიერო ინტერესების სფეროა: ბუნებრივი რესურსების სამეურნეო შეფასება, მოსახლეობის გეოგრაფიის ძირითადი საკითხები, მეურნეობის დარგების ტერიტორიული ორგანიზაცია,  ტურიზმის გეოგრაფიის ძირითადი საკითხები, საცხოვრებელი გარემოს ეკოლოგია. გამოქვეყნებული აქვს სამეცნიერო ნაშრომები. გეოგრაფიულ მეცნიერებათა კანდიდატი, პროფესორი.

საკანდიდატო დისერტაციის თემა - "მჭიდროდ დასახლებული მთიანი რაიონების მოსახლეობის გეოგრაფიული პრობლემები (მთიანი აჭარის მაგალითზე)", დაიცვა 1992 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.253-254; ბათუმის შოთა რუსთაველის სახელმწიფო უნივერსიტეტი: bsu.edu.ge

• აჭარის ავტონომიური რესპუბლიკის პარლამენტის სენატორი (2001-)
• საქართველოს ეკოლოგიურ მეცნიერებათა აკადემია, წევრ-კორესპონდენტი (1997-)

• მაღალგანვითარებული ქვეყნების სოციალურ-ეკონომიკური გეოგრაფია : დამხმ. სახელმძღვ. უმაღლ. სასწ. სტუდ. (ავტორი). - თბილისი, უნივერსალი, 2009. - 169გვ.. - ISBN: 9789941125553
• მთიანი აჭარის მოსახლეობის ეკონომიკურ-გეოგრაფიული პრობლემები (ავტორი). - ბათუმი, აჭარა, 1996. - 184გვ.