დიმიტრი ქოჩიაშვილი

დაბადების ადგილი: ქ. ზესტაფონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ხმელეთის ჰიდროლოგიის სპეციალობით 1962 წელს.

1960 წლიდან მუშაობს თბილისის სახელმწიფო უნივერსიტეტის გეოგრაფია-გეოლოგიის ფაკულტეტის ხმელეთის ჰიდროლოგიისა და ნიადაგთმცოდნეობის კათედრაზე. ავტორია 30-ზე მეტი სამეცნიერო ნაშრომისა, რომლებშიც გაშუქებულია მდინარეთა წყლის მაქსიმალური და მყარი ჩამონადენის გამპირობებელი ძირითადი ფაქტორების ანალიზის გაანგარიშების მეთოდიკის საკითხები. გეოგრაფიულ მეცნიერებათა კანდიდატი, დოცენტი (1976).

საკანდიდატო დისერტაციის თემა - "თბილისის მიდამოების მდინარეებისა და დროებითი ნაკადების წვიმებით გამოწვეული მაქსიმალური ჩამონადენის ფორმირების ანალიზი და გაანგარიშების მეთოდიკა", დაიცვა 1974 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.262

• ხმელეთის ჰიდროლოგიის პრაქტიკუმი : დამხმ. სახელმძღვ. გეოგრაფია-გეოლოგიის სტუდენტთათვის (თანაავტორი). - თბილისი, თბილ. უნ-ტის გამ-ბა, 1974. - 268გვ.