მეგი შენგელაია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ეკონომიკური გეოგრაფიის სპეციალობით 1960 წელს.

მუშაობა დაიწყო ვახუშტი ბაგრატიონის სახელობის გეოგრაფიის ინსტიტუტში ჯერ ლაბორანტის, შემდეგ უმცროსი და უფროსი მეცნიერ-თანამშრომლის თანამდებობაზე. შეთავსებით მუშაობდა თბილისის სახელმწიფო უნივერსიტეტის სოხუმის ფილიალში. 1964-1968წწ. სწავლობდა ასპირანტურაში ეკონომიკური გეოგრაფიის სპეციალობით. იკვლევდა აგრეთვე საქართველოს ცალკეული რეგიონების ბუნებრივი პირობებისა და რესურსების ეკონომიკური შეფასებისა და სოციალური ინფრასტრუქტურის საკითხებს. განსაკუთრებული ყურადღება ექცევა მოსახლეობის დინამიკის - ბუნებრივი და მექანიკური მოძრაობის, ჯანმრთელობის დაცვის, კულტურული და საყოფაცხოვრებო მომსახურების საკითხებს. გამოქვეყნებული აქვს 70 სამეცნიერო ნაშრომი, მათ შორის, 20 კოლექტიური მონოგრაფიის თანაავტორია. გეოგრაფიულ მეცნიერებათა კანდიდატი.

საკანდიდატო დისერტაციის თემა - "საქართველოს ჩრდილოეთი მთიანი რაიონების მოსახლეობის გეოგრაფიისა და შრომითი რესურსების გამოყენების საკითხები", დაიცვა 1970 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.272-273

• ზუგდიდი: გზამკვლევი (თანაავტორი). - თბილისი, საბჭ. საქართველო, 1977. - 30გვ.