სერგო ცირამუა

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის კიბერნეტიკისა და გამოყენებითი მათემატიკის ფაკულტეტი გამოყენებითი მათემატიკის განხრით 1975 წელს.

1975 წელს მუშაობა დაიწყო სამეცნიერო-საწარმოო გაერთიანება "ელვას" კვლევით ინსტიტუტში ("ტნიისა") ინჟინრის თანამდებობაზე; 1976-1978 წწ. მუშაობდა მატერიალური მომარაგების კვლევით ინსტიტუტში "ნიიმს" უმცროსი მეცნიერი მუშაკის თანამდებობაზე; 1978-1993 წწ. მიწათმოწყობის სახელმწიფო საპროექტო ინსტიტუტში  "საქსახმიწპროექტი" -  ჯგუფის უფროსის, პროექტის მთავარი ინჟინრის, ავტომატიზებული დაპროექტების სისტემების განყოფილების უფროსის თანამდებობებზე, სადაც მისი ხელმძღვანელობით შეიქმნა საქართველოს მიწის კადასტრის ავტომატიზებული სისტემა; 1993-1998 წწ. რუსეთში სამეცნიერო-საპროექტო ინსტიტუტში "ვნიპიმორნეფტეგაზ"- ავტომატიზებული დაპროექტების სისტემების ლაბორატორიის უფროსად; საქართველოში დაბრუნების შემდეგ 1998-2003 წწ. მუშაობდა მსოფლიო ბანკის WB&IFAD-ის პროექტში, სადაც მისი ხელმძღვანელობით შეიქმნა მიწების რეგისტრაციის კომპიუტერული სისტემა, დაფუძნებული გეოგრაფიულ ინფორმაციულ სისტემაზე (GIS). 2003-2004 წწ. იყო მსოფლიო ბანკის კონსულტანტი საჯარო რეესტრის ეროვნული სააგენტოს ინფორმაციული სისტემის შექმნის საკითხებში; 2004-2009 წწ. საქართველოს უნივერსიტეტში ინფორმაციული და საინჟინრო ტექნოლოგიების სკოლის დირექტორის თანამდებობაზე, 2009 წლიდან ამავე სკოლის სრული პროფესორია. გამოქვეყნებული აქვს 90-მდე სამეცნიერო ნაშრომი, სახელმძღვანელო და მონოგრაფია (გამოცემულია გერმანიაში), არის 5 გამოგონების თანაავტორი, მონაწილეობდა რუსთაველის სამეცნიერო ფონდის, მსოფლიო ბანკის (WB)&IFAD-ის, USAID-ის, KFW-ს, EU-ს, GIZ-ის, SETA-ს,MDF-ის, TEMPUS-ის, ERASMUS+ -ის და სხვა საერთაშორისო სამეცნიერო-პრაქტიკულ და საგანმანათლებლო პროექტებში. 2013 წელს მიენიჭა საქართველოს უნივერსიტეტის "წლის საუკეთესო პროფესორის" ტიტული. მართვის სისტემების ინჟინერი. ტექნიკის მეცნიერებათა დოქტორი (1999), პროფესორი.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.251; საქართველოს უნივერსიტეტი: ug.edu.ge

• ა(ა)იპ "ტურიზმის გეოინფორმაციული ცენტრი", დამფუძნებელი (2011-)
• საერთაშორისო ევროპული ასოციაცია "ინფორმაციული ტექნოლოგიები სოფლის მეურნეობაში და კვების მრეწველობაში" – EFITA, წევრი (1999-)
• საერთაშორისო სამეცნიერო სკოლა "რთული სისტემების უსაფრთხოების, რისკისა და ხარისხის მოდელირება და ანალიზი", წევრი (1992-)
• საზოგადოებრივ საქმეთა ცენტრი, წევრი (2004-)
• საქართველოს ინფორმაციული ტექნოლოგიების ცენტრი, წევრი (2006-)
• საქართველოს კომპიუტერული საზოგადოება, წევრი (2002-)
• საქართველოს მათემატიკოსთა კავშირი, წევრი (2019-)

• 2013 - ღირსების ორდენი

• Надежность систем : Организационное проектирование высоконадежных человеко-машинных систем на базе многофункциональных операторов (ავტორი). - LAP LAMBERT Academic Publishing, 2017. - 216 p.. - ISBN: 978-620-2-05565-9
• გეოინფორმატიკა MapInfo Professional-ის ბაზაზე (ავტორი). - თბილისი, საქ.უნ-ტი გამომცემლობა, 2017. - 110გვ.
• საოფისე კომპიუტერული პროგრამები და ინტერნეტი : სალექციო კურსი (ავტორი). - თბილისი, საქ.უნ-ტი გამომცემლობა, 2010. - 371გვ.. - ISBN: 978-9994050895
• გეოინფორმაციული სისტემა MapInfo Professional : სახელმძღვ. (ავტორი). - თბილისი, საქ. საზ. მეცნ. უნ-ტის გამ-ბა, 2006. - 59გვ.. - ISBN: 999405001X