ოთარ ჩხეიძე

დაბადების ადგილი: სოფელი გოდოგანი, თერჯოლის რაიონი.

დაამთავრა ქუთაისის პედაგოგიური ინსტიტუტის ბიოლოგია-გეოგრაფიის ფაკულტეტი გეოგრაფიის სპეციალობით 1957 წელს; 1966-1969წწ. საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტის მაძიებელი გეომორფოლოგია-პალეოგეოგრაფიის სპეციალობით.

1957-1971წწ. ქუთაისის 24-ე საშუალო სკოლის გეოგრაფიის მასწავლებელი; 1960-1970წწ. ქუთაისის პედაგოგიური ინსტიტუტის გეოგრაფიის კათედრის მეტეოსადგურის დამკვირებელი-უფროსი; 1970-1985წწ. გეოგრაფიის კათედრის მასწავლებელი; 1986-2006წწ. აკაკი წერეთლის სახელმწიფო უნივერსიტეტის გეოგრაფიის დეპარტამენტის დოცენტი; 1992-2006წწ. გეოგრაფიის კათედრის გამგე; 2006 წლიდან გეოგრაფიის დეპარტამენტის სრული პროფესორი. მის სადისერტაციო ნაშრომში გაანალიზებულია ცენტრალური კავკასიონის სამხრეთ ფერდობისა და მიმდებარე კოლხეთის დაბლობის რელიეფი (გეომორფოლოგიური კომპლექსები) მისი პლასტიკის, გენეზისის, დინამიკისა და განვითარების (ჩამოყალიბების) ისტორიის თვალსაზრისით. პედაგოგიურ საქმიანობასთან ერთად იკვლევს ცენტრალური კავკასიონის სამხრეთ ფერდობისა და მიმდებარე კოლხეთის დაბლობის გეომორფოლოგიისა და პალეოგეოგრაფიის საკითხებს. გამოქვეყნებული აქვს სამეცნიერო ნაშრომები. აკაკი წერეთლის სახელმწიფო უნივერსიტეტის გეოგრაფიის დეპარტამენტის სრული პროფესორი.

საკანდიდატო დისერტაციის თემა - "მთიანი რეგიონის რელიეფის პლასტიკა და დინამიკა ცენტრალური კავკასიონის სამხრეთ ფერდობის მაგალითზე (რიონ-ცხენისწყლის მდინარეთაშუეთი)", დაიცვა 1984 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.282-283; აკაკი წერეთლის სახელმწიფო უნივერსიტეტი: atsu.edu.ge

• შავი ზღვის სამხრეთ-აღმოსავლეთ ნაწილის ეკოლოგიური ფაქტორების ფიზიკურ-გეოგრაფიული ანალიზი : სახელმძღვ. სტუდ. (თანაავტორი). - ქუთაისი, აკ. წერეთლის სახელმწ. უნ-ტის გამ-ბა, 2009. - 104გვ.. - ISBN: 9789941417542
• იმერეთის ფიზიკური გეოგრაფია (ავტორი) // ნაწ. 2 ბუნებრივი ლანდშაფტების რეგიონალური ფიზიკურ-გეოგრაფიული კომპლექსურ-სინთეზური დახასიათება . - ქუთაისი, ქუთაისის ა. წერეთლის სახ. სახელმწ. უნ-ტი, 2009. - 440გვ.. - ISBN: 9789941011641
• იმერეთის ფიზიკური გეოგრაფია (ავტორი) // ნაწ. 1, ბუნებრივი ლანდშაფტების კომპონენტების ფიზიკურ-გეოგრაფიული ანალიზი . - ქუთაისი, ქუთაისის ა. წერეთლის სახ. სახელმწ. უნ-ტი, 2008. - 364გვ.. - ISBN: 9789941011634
• იმერეთის გეომორფოლოგია : რელიეფი მისი პლასტიკის, წარმოშობის, დინამიკისა და ისტორიის თვალსაზრისით (ავტორი) // ნაწ. 2. - თბილისი, მეცნიერება, 2004. - 421გვ.. - ISBN: 9992809361
• იმერეთის გეომორფოლოგია : რელიეფი მისი პლასტიკის, წარმოშობის, დინამიკისა და ისტორიის თვალსაზრისით (ავტორი) // ნაწ. 1. - თბილისი, მეცნიერება, 2003. - 259გვ. . - ISBN: 9992809353
• სასწავლო-გეომორფოლოგიური ექსკურსიები იმერეთში : რელიეფის მორფოლოგიურ-პალეოგეოგრაფიული ანალიზი მეთოდური მითითებებით (ავტორი). - თბილისი, კაბადონი, 2000. - 316გვ.