მიხეილ ლომიზე

დაბადების ადგილი: ქ. თბილისი.

დაამთავრა მოსკოვის სახელმწიფო უნივერსიტეტის გეოლოგიური ფაკულტეტი 1956 წელს და ჩააბარა ასპირანტურაში დინამიკური გეოლოგიის კათედრაზე.

1962-1967წწ. იყო უმცროსი მეცნიერ-თანამშრომელი; 1967-1969წწ. უფროსი ლექტორი; 1969-1983წწ. დოცენტი, ხოლო 1985 წლიდან დინამიკური გეოლოგიის კათედრის პროფესორი; 1982-1987წწ. გეოლოგიური ფაკულტეტის დეკანის მოადგილე; 1975-1980წწ. გეოდინამიკური პროექტის სამუშაო ჯგუფის თავმჯდომარე; სსრკ-ის უმაღლესი და საშუალო სპეციალური განათლების სამინისტროს სამეციერო-მეთოდური საბჭოს თავმჯდომარის მოადგილე უმაღლესი გეოლოგიური განათლების მიმართულებით (1981), მეცნიერ-მდივანი (1971 წლიდან); მოსკოვის სახელმწიფო უნივერსიტეტის გეოლოგიური ფაკულტეტის სამეცნიერო საბჭოს წევრი სადოქტორო და საკანდიდატო დისერტაციების დაცვის საკითხში გეოლოგიისა და გეოტექტონიკის დარგში, სსრკ-ის უმაღლესი საატესტაციო კომისიის ექსპერტი; გამოქვეყნებული აქვს 160-ზე მეტი სამეცნიერო ნაშრომი; მისი ინტერესების სფერო მოიცავს: ტექტონიკასა და ნაოჭა ოლქების გეოდინამიკას; მის კვლევებს თან ახლდა მრავალრიცხოვანი საველე სამუშაოები კავკასიონსა და მცირე კავკასიონზე, კარპატებში, ანდებში (ჩილე), ისლანდიაში, ტიან-შანზე, აგრეთვე სამარშრუტო დაკვირვებები სხვადასხვა რეგიონში; კითხულობს ლექციებს გეოტექტონიკისა და ნაოჭა ოლქების პალეოტექტონიკის დარგში; საბჭოთა და რუსი გეოლოგი. გეოლოგია-მინერალოგიის მეცნიერებათა დოქტორი (1981), მოსკოვის სახელმწიფო უნივერსიტეტის გეოლოგიური ფაკულტეტის დინამიკური გეოლოგიის კათედრის პროფესორი (1985). აკადემიკოს ვიქტორ ხაინის მოწაფე.

საკანდიდატო დისერტაცია თემა - "ჩრდილო-დასავლეთ კავკასიის მეზოზოური ეფუზიური ვულკანიზმი და მისი კავშირი ტექტონიკასთან", დაიცვა 1963 წელს. 

სადოქტორო დისერაცია თემა - "გეოსინკლინური ვულკანიზმის ტექტონიკური ვითარება"(კავკასიის, კარპატებისა და ანდების მაგალითზე), დაიცვა 1981 წელს.

წყარო: dic.academic.ru