მიხეილ ბეჟანიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1958 წელს.

მუშაობა დაიწყო ფილოსოფიის ინსტიტუტში ჯერ უმცროსი მეცნიერ-თანამშრომლის, შემდეგ სწავლული მდივნის, უფროსი მეცნიერ-თანამშრომლის, წამყვანი მეცნიერ-თანამშრომლის, ლოგიკის განყოფილების ხელმძღვანელისა და სამეცნიერო დარგში დირექტორის მოადგილის თანამდებობებზე; 2002 წლიდან - ს. წერეთლის სახელობის ფილოსოფიის ინსტიტუტის დირექტორი. 1966 წლიდან კითხულობს ლოგიკის სპეცკურსებს თბილისის სახელმწიფო უნივერსიტეტში; სისტემატურად მონაწილეობს ლოგიკოსთა საერთაშორისო კონგრესების, სიპოზიუმებისა და სამეცნიერო კონფერენციების მუშაობაში; 2002 წლიდან - ჟურნალ "მაცნეს" ფილოსოფიის სერიის რედაქტორი. სამეცნიერო ინტერესებისა და კვლევის მთავარი სფეროა მათემატიკური ლოგიკა, ლოგიკის ფილოსოფია და ისტორია. გამოქვეყნებული აქვს 60-ზე მეტი სამეცნიერო ნაშრომი ქართულ, რუსულ და ინგლისურ ენებზე. ფილოსოფიის მეცნიერებათა დოქტორი (2003), პროფესორი.

სადოქტორო დისერტაციის თემა - "ცოდნისა და რწმენის მოდალობათა ლოგიკის სემანტიკური ანალიზი", დაიცვა 2003 წელს.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.34-35

• ფილოსოფია : სახელმძღვანელო დამწყებთათვის (მთარგმნელი). - თბილისი, 2000. - 279გვ.
• ლოგიკა : სახელმძღვ. უმაღლ. სასწ. სტუდენტთათვის (რედაქტორი). - თბილისი, ქრონოგრაფი, 1997. - 228გვ.
• ლოგიკა საქართველოში (ავტორი). - თბილისი, მერიდიანი, 1995. - 32გვ.