ზურაბ მსხვილიძე

დაბადების ადგილი: სოფელი ქვედა დიმი, მაიაკოვსკის რაიონი (ახ. ბაღდათის მუნიციპალიტეტი).

დაამთავრა თბილისის სახელმწიფო უნივერსიტეტის იურიდიული ფაკულტეტი; მოსკოვის მილიციის უმაღლესი სკოლა სამართალმცოდნის სპეციალობით 1987 წელს.

1967-1974წწ. იყო საკოლმეურნეობათაშორისი სამშენებლო საბჭოს მძღოლი, დისპეტჩერი, ფარეხის გამგე; 1974-1983წწ. აჭარის შინაგან საქმეთა სამინისტროს ოპერაციული სამსახურის ინსპექტორი, უფროსი ინსპექტორი, განყოფილების უფროსი; 1986-1990წწ. სისხლის სამართლის სამძებრო სამსახურის უფროსი; 1991-1992წწ. მილიციის უფროსი; 1994-1995წწ. განსაკუთრებულ საქმეთა უფროსი ინსპექტორი; სამმართველოს უფროსის მოადგილე (1995); 1995-1999წწ. საქართველოს შსს ოპერატიული დაზვერვის მთავარი სამმართველოს უფროსი; 1999-2000წწ. საქართველოს მე-5 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: მაჟორიტარული, მაჟორიტარი №52 ბაღდათის საარჩევნო ოლქიდან; 2000-2001წწ. საქართველოს იუსტიციის სამინისტროს დეპარტამენტის თავმჯდომარე. დაჯილდოებულია 1 ორდენით და 8 მედლით; იუსტიციის გენერალ-მაიორი (2005); სამართალმცოდნე.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.283; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.180

• საქართველოს მე-5 მოწვევის პარლამენტი, წევრი (1999-2000)
• საქართველოს მე-5 მოწვევის პარლამენტის იურიდიულ საკითხთა, კანონიერებისა და ადმინისტრაციული რეფორმების კომიტეტი, წევრი (1999-2000)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (1999-2000)

• 1997 - მედალი "საბრძოლო დამსახურებისათვის"
• 1997 - მედალი "მხედრული მამაცობისთვის"