ანა ბაგრატიონ-ჭავჭავაძე

1885 წელს ანა ბაგრატიონ-ჭავჭავაძის დიდი ძალისხმევით თელავში წმინდა ნინოს სახელობის ქალთა სასწავლებელი გაიხსნა, მან გრიგოლ ორბელიანის შუამდგომლობით საქართველოში კავკასიის მეფისნაცვალ ვორონცოვს თხოვა დახმარება. სასწავლებელი თავდაპირველად ერეკლე II-ის სასახლეში განთავსდა. ამ ფაქტს ლიტერატურულ-პოლიტიკურმა გაზეთმა "დროებამ" დიდი შეფასება მისცა. ანა ბაგრატიონ-ჭავჭავაძის ხელმძღვანელობით სასწავლებელში სწავლა მაღალ დონეზე მიმდინარეობდა, იგი დიდ ყურადღებას აქცევდა ქართულ ენაზე სწავლა-განათლებას, რის გამოც მას მრავალი მორალური და ეკონომიკური სიძნელეების გადალახვა უწევდა, მან თავისი ცხოვრების 20 წელი თელავის წმინდა ნინოს ქალთა სასწავლებელს შეალია. ქალთა სასწავლებელს ჰქონდა საკუთარი ბიბლიოთეკა. ალექსანდრე ჭავჭავაძის სახლ-მუზეუმში დაცულია უნიკალური ექსპონატი - ამ ბიბლიოთეკის ბეჭედი, რომელზეც ამოტვიფრულია: "Библиотека Телавского женского уъздного заведенiя Св. Нины №583".  საქართველოს უკანასკნელი მეფის გიორგი XII-ის შვილიშვილი, ალექსანდრე ჭავჭავაძის შვილის, დავით ჭავჭავაძის მეუღლე. ქველმოქმედი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.69; ka.rodovid.org