ვასილ ჯავრიშვილი

დაამთავრა სიმბირსკის კადეტთა კორპუსი 1907 წელს და პავლეს სამხედრო სასწავლებელი 1908 წელს.

მსახურობდა აღმოსავლეთ ციმბირის მე-2 ნაღმმტყორცნელთა დივიზიონში. I მსოფლიო ომში პორუჩიკის წოდებით მეთაურობდა საარტილერიო ბატარეას, შემდეგ მიენიჭა შტაბს-კაპიტნის (1915) და კაპიტნის (1916) წოდებები; 1917 წელს მეთაურობდა დივიზიონს. ომის დროს სამჯერ მძიმედ დაიჭრა; 1918 წლიდან მსახურობდა საქართველოს რესპუბლიკის ჯარში. სხვადასხვა დროს იყო II საარტილერიო დივიზიონის, საარტილერიო ბრიგადის I დივიზიონის, იმავე ბრიგადის ნაღმმტყორცნელთა დივიზიონის, საარტილერიო დივიზიონის I ბატარეის მეთაური; საბჭოთა რუსეთთან ომის დროს, 1921 წლის თებერვალში მეთაურობდა არმიის საარტილერიო დივიზიონს; 1921-1922წწ. გასაბჭოების შემდეგ მსახურობდა ქართულ წითელ არმიაში, იყო საარტილერიო დივიზიონის მეთაური; 1922-1923წწ. სამობილიზაციო განყოფილების უფროსის მოადგილე და უფროსი (1923), 1923-1925წწ. ქართული მსროლელი დივიზიის საარტილერიო პოლკის მეთაური; 1937 წელს, მასობრივი რეპრესიების დროს, დააპატიმრეს. ამის შემდეგ მისი კვალი ქრება; სავარაუდოდ, დახვრიტეს. მისი შვილი იყო ალპინისტი და გეოლოგი კონსტანტინე ჯავრიშვილი. ოფიცერი, I მსოფლიო ომის (1914-1918) მონაწილე, პოდპოლკოვნიკი (1918). გენერალ ტარიელ ჯავრიშვილის შვილი. 

წყარო: შეიარაღებული ძალები 1918-1921:  legionerebi.com 

• 1917 - წმინდა ანას II ხარისხის ორდენი
• 1916 - წმინდა სტანისლავის II ხარისხის ორდენი
• 1915 - წმინდა ვლადიმირის IV ხარისხის ორდენი
• 1915 - წმინდა ანას III ხარისხის ორდენი
• 1914 - წმინდა ანას IV ხარისხის ორდენი