ნაპო კვარაცხელია

დაბადების ადგილი: სოფელი ნაკიანი, ჩხოროწყუს რაიონი.

დაამთავრა  თბილისის სახელმწიფო უნივერსიტეტის ფილოსოფიის ფაკულტეტი 1970 წელს; ასპირანტურა - 1973 წელს.

თბილისის სახელმწიფო უნივერსიტეტის ფილოსოფიის კათედრის გამგე. მუშაობს შემეცნების თეორიის, ადამიანისა და მსოფლმხედველობის, სიცოცხლის საზრისის პრობლემებზე. გამოქვეყნებული აქვს მონოგრაფიები და სამეცნიერო სტატიები სხვადასხვა ჟურნალში, განსაკუთრებით, კრებულში "ფილოსოფიური ძიებანი". დასავლური გნოსეოლოგიისა და შალვა ნუცუბიძის ალეთოლოგიური რეალიზმის გათვალისწინებით იგი ამტკიცებს, რომ არსებობს ადამიანური ცნობიერების სპეციფიკური სტრუქტურა, რომელიც პიროვნების ფსიქოლოგიურ სუბიექტურობაზე "მეტია", რასაც გნოსეოლოგიური სუბიექტი ეწოდება. სწორედ იგი უზრუნველყოფს სუბიექტში "ობიექტურის" შესაძლებლობას ჭეშმარიტი ცოდნის სახით. ჭეშმარიტება სუბიექტში ობიექტურობის აგენტია. თავის მხრივ სუბიექტ-ობიექტის გნოსეოლოგიური მიმართება მათ შორის ონტოლოგიური მიმართების პრიმატითაა განსაზღვრული. ფილოსოფიის მეცნიერებათა დოქტორი (1987), პროფესორი (1989).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.106-107

• საქართველოს ფილოსოფიურ მეცნიერებათა აკადემია, აკადემიკოსი (1999-)

• ფილოსოფიური განაზრებანი (ავტორი). - თბილისი, გამ-ბა მერიდიანი, 2017. - 286გვ. . - ISBN: 9789941271106
• რელიგია, ფილოსოფია, თანამედროვეობა : ოთარ გაბიძაშვილის ხსოვნისადმი (დაბადებიდან 80 წ.) მიძღვნილი სამეცნ. კრებული (თანაავტორი). - თბილისი, უნივერსალი, 2010. - 227გვ. . - ISBN: 9789941170973
• ფილოსოფია, დიალექტიკა, ლოგიკა : სავლე წერეთლის დაბადებიდან 100 წლისთავისადმი მიძღვნ. საიუბილეო კრებული (თანაავტორი). - თბილისი, მერიდიანი, 2008. - 200გვ.. - ISBN: 9789941100703