ჯანსუღ კორძაია

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1956 წელს; ასპირანტურა - 1964 წელს.

1964-1975წწ. მუშაობდა საქართველოს პოლიტექნიკურ ინსტიტუტში ფილოსოფიის კათედრაზე თავდაპირველად მასწავლებლად, შემდეგ - უფროს მასწავლებლად, დოცენტად და პროფესორად; 1979-1993წწ. მუშაობდა საქართველოს უმაღლესი და საშუალო სპეციალური განათლების სამინისტროში რესპუბლიკის უმაღლესი სასწავლებლების სამმართველოს უფროსად; 1994 წლიდან მუშაობდა თბილისის სახელმწიფო უნივერსიტეტის ფილოსოფიის ფაკულტეტზე ჯერ დეკანად, შემდეგ - ესთეტიკის კათედრის გამგედ და ამავე კათედრის პროფესორად. მისი ფილოსოფიური კვლევის ძირითადი მიმართულებებია: ფილოსოფიის ისტორია, გნოსეოლოგია, კულტურის ფილოსოფია. გამოქვეყნებული აქვს სამეცნიერო სტატიები ქართულ, რუსულ და გერმანულ ენებზე. მის ნაშრომებში გამოკვლეულია პრაქტიკის კრიტერიუმის თავისებურებანი შემეცნების თეორიაში. სტატიაში "კულტურა და სინამდვილის სუბსტანციის ახლებურად გააზრების ცდა", რომელიც დაიბეჭდა საქართველოს ფილოსოფიურ მეცნიერებათა აკადემიის წელიწდეულ ორგანოში "ფილოსოფიური ძიებანი" (ტ. IV, 2000), იგი ამტკიცებს, რომ კულტურის სუბსტანციას ცნობიერება წარმოადგენს. მას გამოცემული აქვს 13 პოეტური კრებული და 2 რომანი. ფილოსოფიის მეცნიერებათა დოქტორი (1975), პროფესორი (1960).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.112-113; kordzaia.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.215; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 180

• საქართველოს მწერალთა კავშირი, წევრი

• 1998 - ღირსების ორდენი
  სტუდენტი ახალგაზრდობის აღზრდა - განათლებაში შეტანილი პირადი დიდი წვლილისა და ნაყოფიერი სამეცნიერო მოღვაწეობისათვის

• ადამიანები : რომანი (ავტორი). - თბილისი, მერიდიანი, 2005. - 135გვ.. - ISBN: 9992832584
• რჩეული ფილოსოფიური ნარკვევები (ავტორი). - თბილისი, თბილ. უნ-ტის გამ-ბა, 2005. - 388გვ.. - ISBN: 9994085301
• რჩეული ლირიკა (ავტორი). - თბილისი, 2002. - 178გვ. . - ISBN: 9992804378
• აზრის მონოლოგები : ლექსები (ავტორი). - თბილისი, საქართველო, 1997. - 332გვ.
• ადამიანი როგორც პრაქტიკის სუბიექტი (ავტორი). - თბილისი, საბჭ. საქართველო, 1982. - 171გვ.
• პრაქტიკა როგორც შემეცნების საფუძველი (ავტორი). - თბილისი, საბჭ. საქართველო, 1975. - 145გვ.
• ჭეშმარიტების ზოგიერთი საკითხი ლენინის ფილოსოფიურ მემკვიდრეობაში (ავტორი). - თბილისი, საბჭ. საქართველო, 1971. - 121გვ.
• პრაქტიკის როლი შემეცნებაში (ავტორი). - თბილისი, საბჭ. საქართველო, 1968. - 32გვ.