ავთანდილ პოპიაშვილი

დაბადების ადგილი: სოფელი გამარჯვება, დედოფლისწყაროს რაიონი.

დაამთავრა თბილისის სახელმწიფო უნივერსიტეტის ფილოსოფიისა და ფსიქოლოგიის ფაკულტეტი ფილოსოფიის სპეციალობით 1970 წელს; 1970-1977წწ. საქართველოს რესპუბლიკის მეცნიერებათა აკადემიის ფილოსოფიის ინსტიტუტის ასპირანტი.

1973 წლიდან ფილოსოფიის ინსტიტუტის უმცროსი, უფროსი მეცნიერ-თანამშრომელი; 1977 წლიდან შეთავსებით იყო თბილისის სახელმწიფო უნივერსიტეტის, საქართველოს ტექნიკური უნივერსიტეტის ლექტორი. მისი კვლევა-ძიების მთავარი სფერო იყო გერმანული კლასიკური ფილოსოფია. იგი ეროვნული პრობლემატიკისა და პოლიტიკის თემებისადმი მიძღვნილი მრავალრიცხოვანი სტატიისა და პუბლიცისტური წერილის ავტორია. 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: საარჩევნო ბლოკი "მრგვალი მაგიდა – თავისუფალი საქართველო", საარჩევნო ფორმა: პარტიული სიით, საქართველოს ეროვნული ფრონტი - რადიკალური კავშირი; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). მის მშობლიურ სკოლას სოფელ გამარჯვებაში 1998 წლის 1 სექტემბრიდან ეწოდა ავთანდილ პოპიაშვილის სახელი. ფილოსოფიის მეცნიერებათა დოქტორი (1989).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.143; საქართველოს პარლამენტი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ. 291

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• ინდივიდის პრობლემა ს. კირკეგორისა და ფ. ნიცშეს ფილოსოფიაში (ავტორი). - თბილისი, უნივერსალი, 2008. - 270გვ.. - ISBN: 9789941121197
• ი.გ. ფიხტეს ეთიკური იდეალიზმის მარქსისტული კრიტიკისათვის (ავტორი). - თბილისი, მეცნიერება, 1976. - 142გვ.