აკაკი ციმინტია

დაბადების ადგილი: სოფელი ჯვარი, წალენჯიხის რაიონი.

დაამთავრა თბილისის სახელმწიფო უნივერსიტეტი 1947 წელს; ასპირანტურა - 1950 წელს.

1950-1955წწ. და 1960 წლიდან მუშაობდა საქართველოს მეცნიერებათა აკადემიის ა. წერეთლის სახელობის ფილოსოფიის ინსტიტუტში; 1991 წლიდან იყო თბილისის პოლიტოლოგია-სოციოლოგიის სასწავლო ინსტიტუტის რექტორი, შემდეგ საპატიო რექტორი. თავისი სამეცნიერო მოღვაწეობის პირველ პერიოდში დაინტერესებული იყო გნოსეოლოგიისა და ისტორიული მატერიალიზმის პრობლემებით. ამ პრობლემებზე მუშაობამ იგი ონტოლოგიამდე მიიყვანა. ფილოსოფიის ამ სფეროში მან გამოაქვეყნა რამდენიმე წიგნი. მას მიაჩნია, რომ ტერმინი "ფილოსოფია" ცოდნის არავითარ ობიექტზე არ მიუთითებს, ამიტომ იგი უნდა შეცვალოს ეინოლოგიამ - ყოფნის თეორიამ, რომელიც, მისი აზრით, სამყაროს არსებობის (ყოფნის) პირობებსა და პრინციპებს სწავლობს. ეინოლოგია სამი ნაწილისაგან შედგება: სუბსტრატოლოგია, არხელოგია და ფუნდამენტოლოგია. ფილოსოფიის მეცნიერებათა დოქტორი (1968), პროფესორი (1972).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.185

• ონტოლოგიის ძირითადი პრობლემები (ავტორი). - თბილისი, სამართალი, 2003. - 196გვ.
• ფილოსოფიის შესავალი (ავტორი). - თბილისი, მეცნიერება, 1997. - 316გვ.
• ყოფა და ცვალებადობა (ავტორი). - თბილისი, მეცნიერება, 1989. - 208გვ.
• ცოდნის ობიექტურობის პრობლემა მარქსისტულ გნოსეოლოგიაში (ავტორი). - თბილისი, მეცნიერება, 1968. - 211გვ.