მიხეილ ლორის-მელიქოვი

დაბადების ადგილი: ქ. თბილისი.

დაიბადა ქართული ფეოდალური საგვარეულოს ლორის მელიქიშვილების ოჯახში. მამა ტარიელ ზურაბის ძე ლორის მელიქიშვილი, დედა ეკატერინე ახვერდაშვილი ცხოვრობდნენ თბილისში. სწავლა 1836 წელს მოსკოვის ლაზარევის ინსტიტუტში დაიწყო; 1840-იანი წლებიდან სამხედრო კარიერა დაიწყო; იგი წარმატებულად მონაწილეობდა რუსეთის იმპერიის მიერ წარმოებულ ომებში, მათ შორის - კავაკასიის, ყირიმის და რუსეთ-ოსმალეთის 1877-1878 წლების ომებში; სამხედრო კარიერასთან ერთად წარმატებულ სამოქალაქო მოღვაწეობასაც ეწეოდა; იყო თერგის ოლქის უფროსი, ხარკოვის ოლქის გენერალ გუბერნატორი, შინაგან საქმეთა მინისტრი; სამხედრო და სახელმწიფო მოღვაწე, კავალერიის გენერალი (1875 წლის 17 აპრილიდან), გენერალ-ადიუტანტი, გრაფი (1878 წლის 16 აპრილიდან), სახელმწიფო საბჭოს წევრი (1880 წლის 11 თებერვლიდან). ორჯერ არის დაჯილდოებული მამაცობითვის ოქროს ხმლით (1848, 1854). 1888 წლის 12 (24) დეკემბერს 64 წლის ასაკში საფრანგეთის ქალაქ ნიცაში გარდაიცვალა, დაკრძალულია თბილისში.

წყარო: ru.wikisource.org; საქართველო: ენციკლოპედია: ტ.5. -თბ.,2023. -გვ.436

• 1881 - წმინდა ანდრია პირველწოდებულის ორდენი
• 1879 - წმინდა ალექსანდრე ნეველის ორდენი
• 1877 - წმინდა გიორგის II ხარისხის ორდენი
• 1877 - წმინდა გიორგის III ხარისხის ორდენი
• 1877 - წმინდა ვლადიმირის I ხარისხის ორდენი (ხმლებით)
• 1865 - თეთრი არწივის ორდენი
• 1861 - წმინდა ვლადიმირის II ხარისხის ორდენი (ხმლებით)
• 1860 - წმინდა ანას I ხარისხის ორდენი
• 1859 - წმინდა სტანისლავის I ხარისხის ორდენი
• 1855 - წმინდა ვლადიმირის III ხარისხის ორდენი
• 1854 - წმინდა ვლადიმირის IV ხარისხის ორდენი (ბაბთით)
• 1852 - წმინდა ანას II ხარისხის ორდენი
• 1850 - წმინდა ანას III ხარისხის ორდენი
• 1848 - წმინდა ანას IV ხარისხის ორდენი