ანზორ გოგიაშვილი

დაბადების ადგილი: ქ. ცხინვალი.

დაამთავრა ზაქარია ფალიაშვილის სახელობის თბილისის მე-2 სამუსიკო სასწავლებელი 1962 წელს; 1963-1970 წლებში სწავლობდა თბილისის ვანო სარაჯიშვილის სახელობის სახელმწიფო კონსერვატორიაში ვოკალურ ფაკულტეტზე; თბილისის სახელმწიფო უნივერსიტეტის ისტორიის ფაკულტეტი 1970 წელს.

1962-1971 წწ. საქართველოს სახელმწიფო კაპელის სოლისტი (ტენორი); 1971-1980 წწ. მუშაობდა თბილისის ხალხური ხუროთმოძღვრებისა და ყოფის ღია ცის ქვეშ მუზეუმში მეცნიერ-თანამშრომლად, იყო ფონდების მთავარი მცველი; 1980 წლიდან მუშაობდა ს. ჯანაშიას სახ. საქართველოს სახელმწიფო მუზეუმის მეცნიერ-თანამშრომლად; სხვადასხვა წლებში იყო სამუზეუმო ფასეულობათა დაცვა-აღრიცხვის განყოფილების უფროსი ლაბორანტი, ეთნოგრაფიის განყოფილების უმცროსი მეცნიერ-თანამშრომელი, 1992-2014 წწ. რკინის ნაკეთობათა ფონდის მცველი, 2005-2012 წწ. საქართველოს ეთნოგრაფიული მუზეუმის ლანდშაფტის მენეჯერი. ჩატარებული აქვს საფონდო, სარესტავრაციო და საკონსერვაციო სამუშაოები, მონაწილეობდა ეთნოგრაფიულ სამეცნიერო ექსპედიციებში: ერწო-თიანეთი (ხელმძღვანელი: ჯ. სონღულაშვილი, 1971); ქვემო ქართლი (ხელმძღვანელი: ლ. ფრუიძე, 1971); გურია-აჭარა (ხელმძღვანელი: ლ. ფრუიძე, 1972); ქართლი (ხელმძღვანელი: ლ. ფრუიძე, 1974); ერწო-თიანეთი (ხელმძღვანელი: ჯ. სონღულაშვილი, 1975); შიდა ქართლი (ხელმძღვანელი: გ. ჯალაბაძე, 1983); ქვემო ქართლი (ხელმძღვანელი: გ. ჯალაბაძე, 1984-1985); ტრანსკავკასიის რკინიგზისპირა კომპლექსური ექსპედიცია დუშეთის რ-ნში (ხელმძღვანელი: მ. ხუციშვილი, 1986); კახეთი (ხელმძღვანელი: გ. ჯალაბაძე, 1987-1989); 1976-1980 წწ. ღია ცის ქვეშ მუზეუმის დავალებებით განახორციელა მოკლევადიანი მივლინებები იმერეთის, გურიის, სამეგრელოს, აჭარის, ქართლის, კახეთის, სამცხე-ჯავახეთის, ცხინვალის, ჯავის, ზნაურის რაიონებში. საქართველოს მეცნიერებათა აკადემიის გრანტით შესრულებული აქვს პროექტები: ხალხური მეტალურგია და რკინა-მჭედლობა აღმოსავლეთ საქართველოში (2001-2002); ხალხური მეტალურგია და რკინა-მჭედლობა დასავლეთ საქართველოში (2002-2003); ხალხური მეტალურგია და რკინა-მჭედლობა საქართველოში (2003-2004); ვაჭრობა და ხელოსნობა ქალაქ ცხინვალში (2004-2005). საქართველოს ეროვნული მუზეუმისადმი გამოჩენილი განსაკუთრებული ერთგულებისთვის მიღებული აქვს საქართველოს ეროვნული მუზეუმის საპატიო სიგელი (2014). არის მრავალი სამეცნიერო პუბლიკაციის ავტორი.

• 1998 - ღირსების მედალი
  სამოქალაქო ომის დროს საქართველოს სახელმწიფო მუზეუმის დაცვისათვის

• რკინის რიტუალური ნივთები ეროვნული მუზეუმის ფონდში (ავტორი) // ეთნოლოგიური ძიებანი: ტ. IV. - თბილისი, 2010. - გვ.258-264
• ფეხსაცმელი "რკინის ქალამანი" : საქ. სახ. მუზეუმში ექსპონატების ეთნოგრაფიული კვლევა: "რკინის ქალამანი" ხალხურ მეტყველებაში, ხატოვან სიტყვათქმებში და ქართულ ხალხურ ზღაპრებში (ავტორი) // ეთნოლოგიური ძიებანი: N2. - თბილისი, 2003. - გვ.99-105
• "Die eisernen Schuhe" : Dichtung oder Wirklichkeit? (ავტორი) // Märchenspiegel. Zeitschrift für internationale Märchenforschung und Märchenpflege: N3. - Volkach, 2002. - 9-10
• სახნის-საკვეთელის ძირითადი ტიპები : ს. ჯანაშიას სახელობის საქართველოს სახელმწიფო მუზეუმის ეთნოგრაფიის განყოფილების რკინის ფონდის მიხედვით : განგხილულია იარაღბის ცალკეული ტიპები და მათი განვითარების სხვადასხვა ეტაპები (ავტორი) // ეთნოლოგიური ძიებანი: N1. - თბილისი, 2000. - გვ.269-277
• მჭედლობა შიდა ქართლში (ავტორი) // შიდა ქართლის ეთნოგრაფიული შესწავლისათვის. - თბილისი, 1987. - გვ.164-180
• ქასური სალესავი (ავტორი) // მასალები საქართველოს მატერიალური კულტურისა და ეკონომიკის ისტორიისათვის. - თბილისი, 1982. - გვ.52-55