ვახტანგ ბადაგაძე

დაბადების ადგილი: ქ. დუშეთი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1955 წელს; ასპირანტურა ა. რაზმაძის სახელობის მათემატიკის ინსტიტუტში - 1958 წელს.

1958 წლიდან ა. რაზმაძის სახელობის მათემატიკის ინსტიტუტის უმცროსი მეცნიერ-თანამშრომელი; 1961-1968წწ. - სწავლული მდივანი; 1968-1971წწ. - უფროსი მეცნიერ-თანამშრომელი; 1971-1982წწ. ხელმძღვანელობდა თბილისის სახელმწიფო უნივერსიტეტის მექანიკა-მათემატიკის ფაკულტეტის გამოთვლითი მათემატიკისა და ინფორმატიკის კათედრას; 1982 წლიდან იყო ამ კათედრის გამგე. მისი სამეცნიერო კვლევის ძირითადი მიმართულებაა სასრულსხვაობიანი ალგორითმების აგება და კვლევა. კერძოდ, შეისწავლიდა მეორე რიგის ელიფსური ტიპის დიფერენციალური განტოლებების რიცხვით ამოხსნებს; ასეთი ტიპის განტოლებების აპროქსიმაციას; აგებდა ამ განტოლებებისათვის სხვაობიან სქემებს; აზუსტებდა განშტოებადი შემთხვევითი პროცესების ზოგიერთ თეორემას; განსაზღვრავდა და იკვლევდა რიტცის კანონიკური განტოლებებიდან მწკრივის კორექტირების კოეფიციენტებს; ვ. ფადეევის მეთოდის გამოყენებით განიხილა დირიხლეს ამოცანა პუასონის მრავალგანზომილებიანი განტოლებისათვის; იგი შეისწავიდა ზოგიერთ ვარიაციულ ამოცანას. ფიზიკა-მათემატიკის მეცნიერებათა კანდიდატი (1964), პროფესორი (2006).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.182-183

• მათემატიკა : ამოცანათა კრებული (რედაქტორი). - თბილისი, უნივერსალი, 2008. - 426გვ. . - ISBN: 9789941123153
• მათემატიკური უნარები : ამოცანების კრებული (რედაქტორი). - თბილისი, ი. ს. "კახაბერ ვეფხვაძე" - K&K, 2004. - 133გვ. . - ISBN: 9994080903
• წრფივი ალგებრის გამოთვლითი მეთოდები : ლექციების კურსი მექანიკა-მათემატიკის ფაკულტეტის სტუდენტებისათვის (ავტორი). - თბილისი, თბილ. უნ-ტის გამ-ბა, 1983. - 90გვ.