გოჩა ტყებუჩავა

დაბადების ადგილი: ქ. თბილისი.

პროფესიონალური დებიუტი შედგა 1982 წელს, საბჭოთა კავშირის მეორე ლიგაში თბილისის "ლოკომოტივის" შემადგენლობაში; საბჭოთა კავშირის მეორე ლიგაში ჩატარებული რამდენიმე თამაშის შემდეგ გადავიდა თბილისის "დინამოში", ჩაატარა მხოლოდ ერთი მატჩი სარეზერვო გუნდში და გადავიდა მოსკოვის "დინამოში"; 1983 წლის სეზონში ასევე ითამაშა მოსკოვის "დინამოში", 1984 წელს კი გადავიდა გურიაში. 3 წლის მანძლზე  ჩაატარა 132 მატჩი და გაიტანა 16 გოლი; 1986 წელს იგი დაეხმარა გუნდს უმაღლეს ლიგაში გადასვლაში, მაგრამ შემდეგ სეზონში ბოლო ადგილის დაკავების გამო გუნდი ისევ პირველ ლიგაში დაბრუნდა, რის გამოც მან დატოვა გურია; 1988 წელს ჩაირიცხა თბილისის "დინამოში", მაგრამ ზაფხულში ისევ გურიაში დაბრუნდა, სადაც ითამაშა 4 სეზონი, ჩაატარა 98 მატჩი და მიითვალა 4 გოლი; 1991-1992წწ. თამაშობდა "იბერიაში"; 1992-1993 წწ. ფინურ "ილვესში"; 1993–1994წწ. ირიცხებოდა თბილისის დინამოში, ხოლო 1994 წელს გადავიდა ისრაელში, სადაც ითამაშა კარიერის დასასრულამდე (2000); მისი ერთადერთი მატჩი საქართველოს ეროვნულ ნაკრებში ჩაატარა 1994 წლის 26 ივნისს ლატვიის წინააღმდეგ; ფეხბურთელის პროფესიონალური კარიერის შემდეგ ხელი მიჰყო მწვრთნელობას; 2001 წელს წვრთნიდა თბილისის "დინამოს", 2004–2005წწ. საქართველოს ახალგაზრდულ ნაკრებს; 2012 წელს ზუგდიდის "ბაიას"; 2014 წლის მაისიდან თავკაცობს საქართველოს 17 წლამდელთა ნაკრებს; ტაშკენტის ფახთაქოროს მთავარი მწვრთნელის, შოთა არველაძის ასისტენტი, ფეხბურთელი და მწვრთნელი.

წყარო: national-football-teams.com; transfermarkt.co.uk; int.soccerway.com