ნოდარ ქუმარიტაშვილი

დაიბადების ადგილი: დაბა ბაკურიანი.

2010 წლის 12 თებერვალს, ზამთრის ოლიმპიური თამაშების (ვანკუვერი, ბრიტანეთის კოლუმბია, კანადა) გახსნამდე რამდენიმე საათით ადრე, საქართველოს ოლიმპიური ნაკრების წევრმა, მოციგავე ნოდარ ქუმარიტაშვილმა უისტლერის ოლიმპიურ ტრასაზე ერთ-ერთი ბოლო სავარჯიშო დაშვების დროს მართვა დაკარგა და 143.3 კმ/სთ სიჩქარით მოძრავი ციგა ტრასის ბორტს შეეჯახა. ამის შედეგად იგი ციგიდან ამოვარდა და ტრასიდან მოშორებით, ლითონის კონსტრუქციას შეეჯახა. 21 წლის ქართველი სპორტსმენი საავადმყოფოში მიყვანის შემდეგ გარდაიცვალა; 20 თებერვალს სპორტსმენი მის მშობლიურ ბაკურიანში, ეკლესიის ეზოში დაკრძალეს; ბაკურიანში იმ ქუჩას, სადაც ნოდარ ქუმარიტაშვილი ცხოვრობდა, ქართველი ოლიმპიელის სახელი ეწოდა. გადაწყვეტილება ბაკურიანის საკრებულომ მიიღო; მისი სახელის უკვდავსაყოფად გამოიცა საფოსტო მარკა, რომლის ესკიზის ავტორია შალვა ლურსმანაშვილი; ქართველი მოციგავე.  

წყარო: ქართული სპორტის ოქროს წიგნი / ელგუჯა ბერიშვილი. - თბილისი: პალიტრა L, 2013; commons.wikimedia.org

• საერთაშორისო ოლიმპიური კომიტეტის ორდენი (სიკვდილის შემდეგ)