ოთარ ტატიშვილი

დაბადებიოს ადგილი: ქ. თბილისი.
დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი 1996 წელს.

1997-2002 წწ. სწავლობდა ასპირანტურაში, ორდინატურა გაიარა ნეიროქირურგიასა და ნეირორადიოლოგიაში (რუსეთი); 2003 წლიდან თბილისის სახელმწიფო სამედიცინო უნივერსიტეტის ასოცირებული პროფესორია; მუშაობს ქალაქ თბილისის კლინიკური ნეირორადიოლოგიის ცენტრში; პოპულარობა მოიპოვა სერიალში "შუა ქალაქში" შესრულებული როლით (ექიმი ირაკლი ჩხეიძე); იყო რადიო "იმედის" საავტორო გადაცემა "ჯაზოთერაპიის", საქართველოს ლატარიის კომპანიის გათამაშების, ტელე-კომპანია "იმედის" "ღამის შოუს" წამყვანი; არის საქართველოს "მსკ-ს" (მხიარულთა და საზრიანთა კლუბი) ჩემპიონი და წლის საუკეთესო მოთამაშე (1996), საქართველოს "მსკ-ს" მუსიკალური ფესტივალის გამარჯვებული (1997), საქართველოს "მსკ" ნაკრების "ნამდვილი თამადების" წევრი და სოჭის ფესტივალის ორგზის გამარჯვებული, დსთ-ს ჩემპიონატის უმაღლესი ლიგის ორგზის მეოთხედ ფინალისტი (1994-1997); "იმედის დილის" წამყვანი. ექიმი-რადიოლოგი, პროფესორი, კინომსახიობი, რადიო და ტელეწამყვანი.

სადოქტორო დისერტაციის თემა - "ჰიპეროსტოზული კრანიოორბიტალური მენინგიომების ქირურგია".