თენგიზ მეუნარგია

დაბადების ადგილი: ქ. ზუგდიდი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1960 წელს; ასპირანტურა 1963 წელს.

1964-1966წწ. მუშაობდა თბილისის სახელმწიფო უნივერსიტეტში ფიზიკისა და ახლად გახსნილ კიბერნეტიკის ფაკუტეტებზე ასისტენტად; 1966 წლიდან მუშაობს თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტში (უმცროსი, უფროსი მეცნიერ-თანამშრომელი, გარსთა თეორიის განყოფილების გამგე, კვლავ უფროსი მეცნიერ-თანამშრომელი). სამეცნიერო კვლევის ძირითადი მიმართულებებია: ფირფიტებისა და დამრეცი გარსების კლასიკური და დაზუსტებული წრფივი თეორიები და მათი საშუალებით პრაქტიკულად მნიშვნელოვანი ამოცანების ამოხსნა, მათ შორის ძაბვების კონცენტრაციის ე. წ. კირშის ტიპის ამოცანები და მიღებული შედეგების ანალიზი; არადამრეცი გარსებისათვის მიღებულია ფიზიკურად და გეომეტრიულად არაწრფივი თეორიის 2-განზომილებიან განტოლებათა უსასრულო სისტემა; გაწრფივების ცნობილი მეთოდის გამოყენებით ნებისმიერი სასრული რიგის მიახლოებისათვის მიღებულია ზოგადი ამონახსნის წარმოდგენა z-კომპლექსური ცვლადის ანალიზური ფუნქციების საშუალებით. ფიზიკა-მათემატიკის მეცნიერებათა დოქტორი (1997), პროფესორი (2002).

საკანდიდატო დისერტაციის თემა - "ცვლადი სისქის ფირფიტების ღუნვის თეორიის შესახებ", დაიცვა 1973 წელს; სადოქტორო დისერტაციის თემა - "სწრაფად ცვალებადი გეომეტრიის მქონე დრეკადი გარსების მათემატიკური თეორიის სასაზღვრო ამოცანები", დაიცვა 1997 წელს.

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.251-252; თბილისის სახელმწიფო უნივერსიტეტი: newspaper.tsu.ge

• 2015 - ივანე ჯავახიშვილის სახელობის მედალი
• 2013 - ღირსების ორდენი

• უმაღლესი მათემატიკა: ამოცანები და სავარჯიშოები, ამოხსნები, თეორიის მოკლე კურსი (რედაქტორი). - თბილისი, თბილ. უნ-ტის გამ-ბა, 2002. - 383გვ.. - ISBN: 9992895802