მიხეილ ცქიტიშვილი

დაბადების ადგილი: ქ. როსტოკი, გერმანია.

დაამთავრა ქ. ლენინგრადის (სანქტ-პეტერბურგი) ადმირალ მაკაროვის სახელობის უმაღლეს საზღვაო-საინჟინრო სასწავლებელში (ЛВИМУ) შტურმან-გემთწამყვანის სპეციალობით 1971 წელს.
ზღვაში საქმიანობა საქართველოს საზღვაო სანაოსნოს გემებზე დაიწყო; 1971-1980 წწ. კაპიტნის მეოთხე, მესამე, მეორე და უფროს თანაშემწედ; შორეული ნაოსნობის შტურმანად ცურავდა სანაოსნოს ტანკერებსა და ბალკერებზე; 1980 წელს კი სსრკ საზღვაო ფლოტის სამინისტროს კოლეგიაზე შორეული ნაოსნობის კაპიტნად დაამტკიცეს; 1980-1993 წწ. მეთაურობდა საქართველოს საზღვაო სანაოსნოს სხვადასხვა გემების ეკიპაჟებს; 1987 წელს კი კაპიტანმა მ. ცქიტიშვილმა საბერძნეთის პორტ პირეოსში მიიღო და ექსპლუატაციაში გაუშვა სანაოსნოს ახალი ტანკერი «თბილისი», რომელსაც მომდევნო წლებში თავად მეთაურობდა კიდეც; სსრკ-ს დაშლის შემდეგ საზღვაო სფეროში საქმიანობას საზღვარგარეთ განაგრძობს; 1993-1996 წწ. იგი ბრიტანეთში დაფუძნებული ერთობლივი სანაოსნო კომპანია «ANGLO-GEORGIAN SHIPPING»-ის ჯერ კაპიტანი, მოგვიანებით კი ტექნიკური დირექტორია; 1996-2004 წწ. სხვადასხვა ბრიტანული საზღვაო ორგანიზაციის ტექნიკურ მრჩეველ-მენეჯერად, საზღვაო ექსპერტად, ინსპექტორად და სუპერინტენდანტად საქმიანობდა; 2004-2007 წწ. იყო ბერძნული სანაოსნო კომპანია «JLJ Maritime S.A»-ს მმართველ-დირექტორი; 2007-2011 წწ. კი საბერძნეთში მის მიერვე დაფუძნებული კომპანია «Argomar S.A»-ს მფლობელი და დირექტორ-განმკარგულებელია; 2011-2014 წწ. ჰოლანდიური საზღვაო კომპანია «MMTT Holding B.V»-ს კონსულტანტი. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com