ვახტანგ ჟღენტი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტი 1937 წელს.

1937-1940წწ. მუშაობდა თბილისის პედაგოგიურ ინსტიტუტში; 1941-1945წწ.  ამიერკავკასიის რკინიგზის ტრანსპორტის ინჟინერთა ინსტიტუტში უმაღლესი მათემატიის კათედრის ასისტენტი; 1944-1945წწ.  თბილისის მათემატიკის ინსტიტუტის უფროსი მეცნიერ-თანამშრომელი; 1945-1958წწ. გორის პედაგოგიური ინსტიტუტის ალგებრა-გეომეტრიის კათედრის გამგე; 1958-1967წწ. საქართველოს მეცნიერებათა აკადემიის გამოთვლითი ცენტრის უფროსი მეცნიერ-თანამშრომელი; 1967 წლიდან თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტის გარსთა თეორიის განყოფილების გამგე და მთავარი სპეციალისტი. მან შეისწავლა ცვლადი და მუდმივი სისქის თხელი დრეკადი გარსების ამოცანები; გამოიკვლია: გაუსის დადებით სიმრუდიანი თხელი გარსის წონასწორობის განტოლებები; პრიზმატული გარსებისათვის ზოგიერთი სასაზღვრო ამოცანა; სისქის მიმართ არაერთგვაროვანი ტრანსვერსალურად-იზოტროპული ფილების დაძაბულ-დეფრომირებული მდგომარეობა; არაერთგვაროვანი სტრუქტურის თხელი იზოტროპული გარსის დაძაბულ-დეფორმირებული მდგომარეობა; წრიული ხვრელით დასუსტებული ცვლადი სისქის ფილის ერთგვაროვანი გაჭიმვის ამოცანა; ი. ვეკუას მეთოდით გამოიკვლია ცვლადი სისქის არაერთგვაროვანი ფილის ამოცანა. მათემატიკოსი და მექანიკოსი, ფიზიკა-მათემატიკის მეცნიერებათა დოქტორი (1973).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.268-269

• ВОПРОСЫ теории оболочек и прикладной механики (ავტორი). - Тбилиси, Изд-во Тбил. ун-та, 1990. - 123с.
• ВОПРОСЫ прикладной механики (ავტორი). - Тбилиси, Изд-во Тбил. ун-та, 1988. - 246с.
• Решение некоторых задач для тонких пластинок переменной толщины (ავტორი). - Тбилиси, ТГУ, 1976. - 50с.
• К расчету основания арочных плотин (თანაავტორი). - Тбилиси, Мецниереба, 1968. - 45с.