ნუგზარ შავლაყაძე

დაბადების ადგილი: ქ. ხონი.

დაამთავრა თბილისის სახელმწიფო უნივერსიტეტი 1984 წელს.

1984 წლიდან მუშაობს საქართველოს მეცნიერებათა აკადემიის ა. რაზმაძის სახელობის მათემატიკის ინსტიტუტში; პარალელურად, 1991 წლიდან მოღვაწეობს საქართველოს ტექნიკურ უნივერსიტეტში. სამეცნიერო მოღვაწეობის თემატიკაა დრეკადობის თეორიისა და ფირფიტების ღუნვის თეორიის სასაზღვრო-საკონტაქტო ამოცანები ერთგვაროვანი და არაერთგვაროვანი, იზოტროპული და ანიზოტროპული, პიეზოელექტრული და ბლანტიდრეკადი თვისებების მქონე სხეულებისათვის, რომლებიც ურთიერთქმედებენ ცვლადი სიხისტის მქონე დრეკად თხელკედლიან ელემენტებთან; ცვლადკოეფიციენტიანი სინგულარული ინტეგრო-დიფერენციალური განტოლებისა და ასეთ განტოლებათა სისტემის გამოკვლვა ანალიზურ ფუნქციათა თეორიის, ინტეგრალური გარდაქმნების თეორიის, ინტეგრალური განტოლებებისა და მიახლოებითი ანალიზის მეთოდების გამოყენებით; ზუსტი და მიახლოებით ამოხსნების მიღება და საკონტაქტო ძაბვების ასიმპტოტური გამოკვლევა დრეკადი ელემენტების გეომეტრიული და ფიზიკური პარამეტრების ცვლილების კანონთან მიმართებაში. ფიზიკა-მათემატიკის მეცნიერებათა დოქტორი (2002), პროფესორი (2006).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.289-290

• 2011 - ნიკო მუსხელიშვილის სახელობის პრემია
• 1991 - ნიკო მუსხელიშვილის სახელობის მედალი