კახა ხინთიბიძე

დაბადების ადგილი: ქ. ბათუმი.

1990-1993 წლებში მათემატიკა-ინფორმატიკის სპეციალობის დასაუფლებლად სწავლობდა ბათუმის სახელმწიფო უნივერსიტეტში, 1993 წლიდან კი ბათუმის სახელმწიფო საზღვაო აკადემიაში, რომელიც ინჟინერ-გემთმექანიკოსის სპეციალობით დაასრულა 1997 წელს; 1997-1999 წწ. იყო ქუთაისის ტექნიკური უნივერსიტეტის ასპირანტი; მიღებული აქვს განათლება ფინანსებისა და საბანკო საქმის სპეციალობით ბათუმის სახელმწიფო უნივერსიტეტში (1998-2000).

1997-2002 წწ. იყო ბათუმის სახელმწიფო საზღვაო აკადემიის ლაბორანტი; 1998-2000 წწ. ბათუმის სახელმწიფო უნივერსიტეტის სტამბის IT ოპერატორი; ზღვაში შრომითი საქმიანობა დაიწყო 2000 წელს, მომდევნო წლებში იყო სანაოსნო კომპანია «COLUMBIA SHIPMANAGEMENT»-ის სხვადასხვა გემების მოტორისტი, მეოთხე, მესამე და მეორე რანგის მექანიკოსი, 2008 წელს კი ტანკერ «CAPE BACTON»-ის უფროსი მექანიკოსი გახდა; 2002-2011 წწ. ეწეოდა პედაგოგიურ საქმიანობას ბათუმის სახელმწიფო საზღვაო აკადემიაში; 2011 წლიდან საჯარო სამსახურშია, საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ჯერ მეზღვაურთა დეპარტამენტის წამყვან  სპეციალისტად, 2012-2014 წწ. კი მეზღვაურთა დეპარტამენტის უფროსად და საზღვაო ტრანსპორტის სააგენტოს დირექტორის პირველი მოადგილედ. შორეული ნაოსნობის გემების მოქმედი უფროსი მექანიკოსი, ტექნიკის მეცნიერებათა კანდიდატი, გემთინჟინერი, შორეული ნაოსნობის უფროსი მექანიკოსი, ბათუმის სახელმწიფო საზღვაო აკადემიის ასოცირებული პროფესორი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com