გერმან ნიმანი

დაბადების ადგილი: ქ. ტალინი (რეველი), ესტონეთი.

გერმან ნიმანი დაპატიმრებამდე თბილისში გერმანიის საკონსულოს თარჯიმნად მუშაობდა, დააპატიმრეს 1937 წლის 29 აპრილს, გაასამართლა სამხედრო კოლეგიამ 1937 წლის 10 მაისს. ბრალად ედებოდა, რომ  იყო გერმანული ჯაშუშურ-დივერსიული და ტერორისტული რეზიდენტურის აქტიური აგენტი, ატარებდა დაზვერვით საქმიანობას, როგორც პირადად, ისე მის მიერ გადაბირებულ პირთა საშუალებით; ატარებდა დივერსიულ საქმიანობას საბჭოთა საწარმოებში. ბრალი სრულად აღიარა. ასევე მხილებულია ოზეროვის, ა.ი.ფუფაევის და რ. ჩაკერტის ჩვენებებით. მიესაჯა დახვრეტა. მეფის არმიის ყოფილი ოფიცერი (პორუჩიკი), (წარმოშობით გერმანელი).

წყარო: ინფორმაციის თავისუფლების განვითარების ინსტიტუტის (IDFI) : ბიოგრაფიები: 1937-1938 წლების მასობრივი რეპრესიები საქართველოში: hi-in.facebook.com; საქართველოს პარლამენტის ეროვნული ბიბლიოთეკა: სტალინური სიები საქართველოდან: nplg.gov.ge