ანდრო მირიანაშვილი

დაბადების ადგილი: სოფელი შილდა, ყვარლის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1949 წელს.

იყო შოთა რუსთაველის სახელობის ქართული ლიტერატურის ინსტიტუტის მეცნიერ-თანამშრომელი. არის გიორგი ლეონიძის, ალექსანდრე აბაშელის, მიხეილ ჯავახიშვილის და იოსებ გრიშაშვილის შემოქმედების შესახებ მონოგრაფიული გამოკვლევების ავტორი, გამოქვეყნებული აქვს კრიტიკული წერილები. გამოუქვეყნებელი დარჩა ორი მონოგრაფია - "შიო არაგვისპირელი" და "ვასილ ბარნოვი". ანდრო მირიანაშვილი ეწეოდა ნაყოფიერ პედაგოგიურ მოღვაწეობასაც, სხვადასხვა დროს კითხულობდა ქართული ლიტერატურის ისტორიის კურსს ცხინვალის პედაგოგიურ ინსტიტუტში, თბილისის სულხან-საბა ორბელიანის სახელობის და შოთა რუსთაველის სახელობის თეატრალურ ინსტიტუტებში. მონაწილეობდა ქართული ლიტერატურის ისტორიის მეხუთე ტომის შედგენასა და გამოქვეყნებაში.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.404

• თანამედროვეობა მხატვრულ სახეებში (ავტორი). - თბილისი, მერანი, 1987. - 257გვ.
• ლევან გოთუა : ცხოვრება და შემოქმედება (ავტორი). - თბილისი, მეცნიერება, 1984. - 138გვ.
• როგორ წავიკითხოთ ლექცია თემაზე: "პაოლო იაშვილის ცხოვრება და შემოქმედება" : ლექტორის დასახმარებლად (ავტორი). - თბილისი, 1964. - 12გვ.