ვაჟა მაკარაძე

დაბადების ადგილი: სოფელი ოლადაური, შუახევის რაიონი.

დაამთავრა ბათუმის პედაგოგიური ინსტიტუტის ფილოლოგია-ისტორიის ფაკულტეტი 1960 წელს.

სამხედრო-სავალდებულო სამსახურის შემდეგ სოფელ ოლადაურის სკოლაში განაგრძო პედაგოგიური მუშაობა; თხუტმეტი წელი ასწავლიდა ქართულ ენას, ლიტერატურასა და ისტორიას, რის შემდეგაც ის სკოლის სასწავლო ნაწილის გამგე გახდა. 1982 წლიდან იყო ამავე სკოლის დირექტორი; პედაგოგიური მუშაობის პარალელურად აქტიურ სამეცნიერო-კვლევით საქმიანობასაც ეწეოდა; გამოქვეყნებული აქვს 80-ზე მეტი პუბლიცისტური და მეთოდური ხასიათის წერილი, რომელთა უმრავლესობა სწავლებისა და აღზრდის საკითხებს ეხება; იგი ყოველწლიურად მონაწილეობდა რაიონულ, საქალაქო და რესპუბლიკურ "პედაგოგიურ კითხვაში"; სამეცნიერო-კვლევითი, პუბლიცისტური და ესეისტური ხასიათის მნიშვნელოვან ნაშრომად ითვლება წიგნი "ჩემო სკოლავ, მაღალ მთაზე ტაძარივით დადგმულო", რომელიც მისი გარდაცვალების შემდეგ გამოიცა; მისი ინიციატივით სკოლასთან შეიქმნა ოლადაურის ეთნოგრაფიული მუზეუმი, იგი თავად ხელმძღვანელობდა მუზეუმის სამეცნიერო საბოჭოს მუშაობას და აქვეყნებდა სამეცნიერო სტატიებს; დაჯილდოებული იყო აჭარის ავტონომიური რესპუბლიკის უზენაესი საბჭოს და განათლების სამინისტროს საპატიო სიგელებითა და დიპლომებით.

• საქართველოს პედაგოგიურ მეცნიერებათა აკადემია, წევრი

• მარეთის ხეობა : ისტორიულ-პუბლიცისტური ნარკვევები (რედაქტორი). - ბათუმი, აჭარა, 2011. - 440გვ.. - ISBN: 978-99940-21-34-5
• ჩემო სკოლავ, მაღალ მთაზე ტაძარივით დადგმულო (ავტორი). - ბათუმი, ბათუმის უნ-ტის გამ-ბა, 2003. - 271გვ.. - ISBN: 99928-967-8-7