მაია კარსელი

 დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1982 წელს.

გაზეთ "წიგნის სამყაროს" კორესპოდენტი (1978); ჟურნალ "დროშის" კორესპონდენტი (1979); "საქართველოს ლიტერატორთა ცენტრის" წევრი (1983); ლიტერატურულ გაზეთ "რუბიკონის" კრიტიკისა და პუბლიცისტიკის განყოფილების გამგე; 1995 წლიდან საბავშვო ჟურნალ "კოკროჭინას სკოლის", მინი–ჟურნალის: "შეავსე და აფერადე", გაზეთ "კოკროჭინას საბავშვო კროსვორდებისა" და გაზეთ "კირკიტელას" რედაქტორი; 1996 წ. "საბავშვო ახალგაზრდული პრესისა და ლიტერატურის ასოციაციის" თავმჯდომარე; მაია კარსელის შემოქმედება: 1970 წლიდან არის პიონერთა და მოსწავლეთა რესპუბლიკური სასახლის ლიტერატურული წრის წევრი და მისი საბავშვო ჩანახატები იბეჭდება გაზეთ "გაზაფხულში"; შემოქმედებით კონფერენციებზე არის პირველი ხარისხის დიპლომებით და სიგელებით დაჯილდოვებული; 1971 წლიდან მისი საბავშვო ნაწარმოებები და ლიტერატურულ-კრიტიკული წერილები სისტემატიურად იბეჭდება გაზეთ "ნორჩ ლენინელში" (ნერგი), "პიონერში", "ნაკადულში", ჟურნალ "დილაში", "თბილისში", "საქართველოს ქალში", "ცისკარში", "დროშაში"; მისი ლექსები შესულია გამომცემლობა "ელფის" მიერ გამოცემულ წიგნში "ჩემი პირველი ლექსების წიგნი" და "ჩემი პირველი ქრესტომატია"; "ლოგოს პრესის" მიერ გამოცემულ ლექსების კრებულში, გამომცემლობა "გორგას" მიერ გამოცემულ კრებულში "საახალწლო ლექსები"; 1975–1976წწ. მონაწილეობას იღებს რადიო და სატელევიზიო გადაცემებში, საკუთარი საავტორო ნაწარმოებებით; არის საბავშვო კრებულების ავტორი: "წვიმავ–წვიმავ", "სტაფილო–უზარმაზარი", "მხიარული რითმოცანები", "გამოიცანი ვინ ვარ", "ცირკი", "გამოცანები ცხოველებზე", "ჩემი საშობაო საგანძური", "მხიარული გამოცანები", "ჩემთან გინდა თამაში", "ნამცეცა ზღაპრები", "შეისწავლე ფერები", "ჩემი სოფლის ცხოველები", "მხიარული ცხოველები"; "რვა ძილისპირული"; 2014 წელს ბაკურ სულაკაურის გამომცემლობა "ფერადი ლექსები". 1996 წელს გაზეთი "კოკროჭინა" პრესის საუკეთესო ხუთეულში მოხვდა და დაჯილდოებულია სამთავრობო პრესცენტრის სპეციალური ჯილდოთი; 2000 წელს მოსახლეობის სოციოლოგიურმა, მარკეტინგულმა და ფსიქოლოგიურმა კვლევამ დაადასტურა, რომ საბავშვო პრესაში "კოკროჭინას", პირველი ადგილი უჭირავს; 2011 წელს "Save the children" მიერ მოწყობილ სატელევიზიო სცენარების კონკურსში: ამერიკაში გაგზავნილი მისი საბავშვო სცენარი გავიდა ნახევარ ფინალში და მოიპოვა გამარჯვება; ასოციაციის ინიციატივით, მე–7 არხის, შემდეგ კავკასიის ბაზაზე ეთერში გადიოდა ტელეგადაცემა: "კოკროჭინა", სადაც ბავშვებს შემოქმედების გამომზეურების საშუალება ეძლეოდათ; 2013 წლიდან მას საპატრიარქოს რადიო "ივერიაში" მიჰყავს საბავშვო გადაცემა "წიგნის მეგობართა კლუბი".
წყარო: საბავშვო ავტორები: kids.ge; მოსწავლე ახალგაზრდობის ეროვნული სასახლე: საბავშვო მწერლები: tsignipedia.ge

• იაკობ გოგებაშვილის საზოგადოება, წევრი
• საქართველოს მწერალთა კავშირი, წევრი

• ფერადი ლექსები (ავტორი). - თბილისი, ბაკურ სულაკაურის გამ-ბა, 2014. - 33გვ.. - ISBN: 9789941230820
• მხიარული გამოცანები (ავტორი). - თბილისი, პალიტრა L, 2013. - 29გვ.. - ISBN: 9789941199592
• სტაფილო უზარმაზარი (ავტორი). - თბილისი, პალიტრა L, 2012. - 25გვ.. - ISBN: 9789941193538
• გამოცანები ცხოველებზე (ავტორი). - თბილისი, პალიტრა L, 2012. - 30გვ.. - ISBN: 9789941194474
• გამოიცანი, ვინ ვარ:მოირგე ნიღაბი (ავტორი). - თბილისი, პალიტრა L, 2012. - 10გვ.. - ISBN: 9789941194498