სულიკო ბერიძე

დაბადების ადგილი: მახინჟაურის დასახლება, ხელვაჩაურის რაიონი.

1942 წელს სწავლა ბათუმის საზღვაოსნო სასწავლებლის გემთწამყვან ფაკულტეტზე დაიწყო; 1944 წელს საზღვაო პრაქტიკის გასავლელად ოდესის შავი ზღვის სანაოსნოს გემ - «Березинь» - ზე გაგზავნეს; პრაქტიკის გავლის შემდეგ კი სასწავლებელში აღარ დაბრუნებულა და მატროსად ცურვა ჯერ იმავე გემზე, 1947 წლამდე კი იმავე სანაოსნოს სხვა გემებზე განაგრძო; 1947 წელს სამშობლოში ბრუნდება და ბათუმის ნავსადგურის მაშველ-მყვინთავად იწყებს მუშაობას; 1952 წლიდან იგი სამუშაოდ კასპიის სანაოსნოში გადადის მატროსად; პარალელურად კი 1953-1954 წლებში სანაოსნოსთან არსებულ გემთწამყვანის კურსებს ამთავრებს და მცირე ფლოტილიის შტურმანის რანგში იქვე, კასპიის სანაოსნოს გემებზე ხდება მესამე, მეორე და კაპიტნის უფროსი თანაშემწე; 1957 წელს კვლავ სამშობლოში ბრუნდება და ამჯერად, ბათუმის ნავსადგურის პორტოფლოტის გემებზე განაგრძობს საქმიანობას, ჯერ კაპიტნის უფროს თანაშემწედ, მოგვიანებით კი კაპიტნად; 1968 წლიდან საქართველოში ახლად დაარსებული საქართველოს საზღვაო სანაოსნოს გემებზე აგრძელებს საზღვაო ბიოგრაფიას; 1968-1972 წწ. იყო კაპიტნის მეორე და უფროსი თანაშემწე, 1972 წელს კი წესისამებრ დამტკიცებული კაპიტანი ხდება და მომდევნო წლებში ჩვენი სანაოსნოს არაერთი გემის, მათ შორის: «Нефтегорск»-ის, «Самтредиа»-ს, «Алексеевка»-ს, «Художник Владимир Серов»-ისა   და მრავალი სხვა ტანკერისა და ბალკერის ეკიპაჟს მეთაურობდა. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com