ლალი ჯაფარაშვილი

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტი.

1982 წლიდან მუშაობს თბილისის მოსწავლე ახალგაზრდობის ეროვნული სასახლის ლიტერატურულ სტუდიაში; პირველი ლექსები დაიბეჭდა ჟურნალ "ცისკარში", 1968 წელს; 1979 წელს გამომცემლობა "მერანში" გამოვიდა მისი პირველი ლირიკული ლექსების წიგნი "მზეკარა"; 1986 წელს, იმავე გამომცემლობამ დასტამბა მისი ლირიკული ლექსების მეორე წიგნი "აპრილის ცრემლი"; წლების მანძილზე მისი ლირიკული და საბავშვო ლექსები იბეჭდებოდა ჟურნალებში "ცისკარი" და "მნათობი", გაზეთ "ლიტერატურულ საქართველოში"; 1985 წელს, ნოდარ დუმბაძის რეკომენდაციით, გამომცემლობა "ნაკადულმა" გამოსცა მისი საბავშვო ლექსების პირველი კრებული "ქარი და ციყვები"; 2000 წელს გამოიცა საბავშვო ლექსების წიგნი "ყველა ფურცელი საჩუქარია", აღნიშნული კრებული მიეძღვნა ნოდარ დუმბაძის ხსოვნას. 2007 წელს, გამომცემლობა "შემეცნებამ" გამოსცა ლალი ჯაფარაშვილის საბავშვო ლექსების სახალისო კრებული "ყველაფერი თავდაყირა"; გამომცემლობა "ანბანში" გამოიცა საბავშვო ლექსების წიგნი "შენთვის ვიზრდები, მამულო"; გამომცემლობა "პალიტრა L"-მა გამოსცა საბავშვო წიგნი მხიარული ხმები, რომლის ტექტსიც გადმოაქართულა ლალი ჯაფარაშვილმა.

წყარო: მოსწავლე ახალგაზრდობის ეროვნული სასახლე: საბავშვო მწერლები: tsignipedia.ge; საბავშვო ლიტერატურის განვითარების ფონდი: fundlibo.blogspot.com

• საქართველოს მწერალთა ეროვნული კავშირი, წევრი (1984-)

• 2010 - მაყვალა მრევლიშვილის სახელობის პრემია
• 1999 - შიო მღვიმელის სახელობის პრემია
  ჟურნალ "დილაში" გამოქვეყნებული საბავშვო ლექსებისათვის

• იმედი : პოეზია (ავტორი). - თბილისი, 2011. - 219გვ.. - ISBN: 978-9941-0-3450-3
• ყველაფერი თავდაყირა : სახალისო კრებული ბავშვებისათვის (ავტორი). - თბილისი, შემეცნება, 2007. - 24გვ.. - ISBN: 978-99940-822-7-8
• აპრილის ცრემლი : ლექსები (ავტორი). - თბილისი, მერანი, 1986. - 61გვ.
• ქარი და ციყვები : ლექსები. უმცრ. სასკ. ასაკის ბავშვებისათვის (ავტორი). - თბილისი, ნაკადული, 1985. - 34გვ.
• მზეკარა : ლექსები (ავტორი). - თბილისი, მერანი, 1979. - 39გვ.