ვლადიმერ შელია

დაბადების ადგილი: ქ. ფოთი.

დაამთავრა ლენინგრადის გემთსაამშენებლო ინსტიტუტი 1971 წელს.

ინსტიტუტის დამთავრების შემდეგ განაწილებით აკუსტიკის ინსტიტუტის სოხუმის ფილიალში (შემდგომში კვლევითი ინსტიტუტი "ატოლი") მოხვდა,  სადაც მუშაობდა 1993 წლამდე (სოხუმის დაცემამდე) რიგითი ინჟინრიდან ინსტიტუტის დირექტორის თანამდებობამდე; 1992-1993 წწ. აფხაზეთში მიმდინარე საომარი მოქმედებების მსვლელობისას 23-ე ბრიგადის საზღვაო ძალებში მსახურობდა, რომელიც  ქ. სოხუმის საზღვაო მხრიდან დაცვას უზრუნველყოფდა; 1996 – 1999 წწ. მუშაობდა საქართველოს ტრანსპორტის სამინისტროს დარგთაშორისი საკოორდინაციო დეპარტამენტის უფროსად; 1999-2005 წწ. იგი ჯერ  საქართველოს საოკეანო  სანაოსნოს დირექტორის მოადგილედ, 2005-2012 წწ. კი, საოკეანო საკრუინგო კომპანიის დირექტორად საქმიანობდა; 2012 წლიდან ვლადიმერ შელია მსოფლიოს ერთ-ერთი მსხვილი საზღვაო-სანაოსნო კომპანია «COLUMBIA SHIPMANAGEMENT»-ის  წარმომადგენლობას საქართველოში- შპს «კოლუმბია შიფმენეჯმენთ ჯორჯია»-ს ხელმძღვანელობს. ინჟინერ-გემთმშენებელი. 

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": m.facebook.com;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.129

• 1999 - ღირსების მედალი
  ფოთი-ილიჩევსკის საბორნე გადასასვლელის მოწყობაში შეტანილი წვლილისთვის;საქართველოს სატრანსპორტო სისტემის განვითარებაში შეტანილი პირადი დიდი წვლილისა და ფოთის სარკინიგზო-საბორნე გადასასვლელის მშენებლობის დროს გამოჩენილი მაღალი პროფესიონალიზმისათვის