ოთარ თალაკვაძე

დაბადების ადგილი: ქ. ბათუმი.        

1944-1949 წლებში სწავლობდა დაამთავრა ბათუმის საზღვაოსნო სასწავლებელი 1949 წელს; ვლადივოსტოკის უმაღლესი საზღვაო-საინჟინრო სასწავლებელი (ДВВИМУ).

სასწავლებლის დასრულების შემდეგ რამდენიმე თანაკურსელთან ერთად განაწილებით შორეულ აღმოსავლეთში, თავდაპირველად ამურის ნიკოლაევსკში, იქედან კი კუნძულ სახალინზე აღმოჩნდა; 1950 წელს ცურვა სახალინის საზღვაო სანაოსნოს გემებზე დაიწყო და საზღვაო ნათლობაც სწორედ იქ მიიღო; იქვე გახდა შორეული ნაოსნობის შტურმანი; 32 წლის მანძილზე მოუწია ცურვა შორეულ აღმოსავლეთში; გაიარა მეზღვაურობის ყველა საფეხური მატროსობიდან გემ «КАТАНГЛИ»-ს კაპიტნობამდე; ცურავდა იაპონიის, კორეის, ჩინეთისა და კუბის მიმართულებით, 1981 წელს კი მშობლიურ ბათუმს დაუბრუნდა და კაპიტნად საქმიანობა საქართველოს საზღვაო სანაოსნოს გემებზე განაგრძო; მოგვიანებით იყო კაპიტან-დამრიგებელიც, მცირე ხნით ბათუმის ნავსადგურშიც საქმიანობდა; სიცოცხლის უკანასკნელი წლები ყირიმში გაატარა, სადაც გარდაიცვალა. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com