ლევან ხარატიშვილი

დაბადების ადგილი: ქ. ყვარელი.

დაამთავრა საქართველოს პოლიტექნიკური ინსტიტუტი.

ქართველ ჰიდროგეოლოგებთან ერთად სტუდენტობიდანვე მონაწილეობდა აგეგმვით სამუშაოებში. მნივნელოვანი როლი შეასრულა მიწისქვეშა წყლების სასმელი და სამეურნეო გამოყენების თვალსაზრისით ჰიდროგეოლოგიური საფუძვლების შექმნაში; მისი შრომითი საქმიანობის ამ პერიოდში საქართველოს ყველა მხარე ფეხით ჰქონდა შემოვლილი; საველე სამუშაოების პარალელურად, იგი აქტიურად ეუფლებოდა დარგის მეცნიერულ საფუძვლებსაც; ჰიდროგეოლოგიის განხრით იგი ერთ-ერთი პირველი ასპირანტი იყო. გამოქვეყნებული აქვს რამდენიმე ათეული სტატია, სამეცნიერო შრომა; იყო ჰიდროლოგიური პარტიების, გეოლოგიური სამმართველოს განყოფილების, ხანგრძლივი დროის მანძილზე - ჰიდროგეოლოგიისა და საინჟინრო გეოლოგიის ექსპედიციის ხელმძღვანელი; მისი საქმიანობა განსაკუთრებით ნაყოფიერი იყო სწორედ ამ ექსპედიციის ხელმძღვანელობისას; უკანასკნელი ორი ათეული წლის განმავლობაში ხელმძღვანელობდა ერთ-ერთ სამეურნეო ორგანიზციას, რომელმაც მისი უშუალო მონაწილეობით ჩაატარა რიგი სხვადასხვა ხასიათის ჰიდროგეოლოგიური სამუშოები (მონიტორული დაკვირვებები, საექსპორტო დასკვნების გაცემა, კონკრეტული ობიექტების წყალმომარაგება და სხვ.). მიღებული აქვს სახელმწიფო ჯილდოები. გეოლოგია-მინერალოგიის მეცნიერებათა დოქტორი, ქართული ჰიდროგეოლოგიური სკოლის თვალსაჩინო წარმომადგენელი, მიწისქვეშა წყლების 30-ზე მეტი საბადოს აღმომჩენი.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.166-167

• საქართველოს საინჟინრო აკადემია, ნამდვილი წევრი

• საქართველოს დამსახურებული გეოლოგი

• საქართველოს მტკნარი მიწისქვეშა წყლები-რესურსები, ათვისება, დაცვა (ავტორი). - თბილისი, ინტელექტი, 2009. - 60გვ.
• რეგიონალური ჰიდროგეოლოგია (თანაავტორი). - თბილისი, ტექნ. უნივერსიტეტი, 2003. - 123გვ. . - ISBN: 9994014412