ვლადიმერ ჯიქია

დაბადების ადგილი: ქ. ზუგდიდი.

დაამთავრა პეტროგრადის უნივერსიტეტის ფიზიკა-მათემატიკის ფაკულტეტი, პეტროგრადის უმაღლესი საარტილერიო სასწავლებელი და ლენინგრადის პოლიტექნიკური ინსტიტუტის ელექტროტექნიკური ფაკულტეტი.

1917 წელს - პეტროგრადის ოლქის სამხედრო სამეთაურო სასწავლებლის კომისარი; 1918 წელს - პეტროგრადის დაცვის მონაწილე; 1919-1921წწ. - პეტროგრადის ოლქის სარდლის მოვალეობის შემსრულებელი; 1919-1922წწ. რედაქტორობდა  ჟურნალ "კრასნი კომანდირს" პეტროგრადში; 1922-1923წწ. საქართველოს სსრ სამხედრო-საზღვაო საქმეთა სახკომი; 1924-1927წწ. "ვოლხოვმშენის" ერთ-ერთი ხელმძღვანელი; 1927-1930წწ. სსრკ-ის ზომა-წონის სახელმწიფო პალატის პრეზიდენტი; 1930 წლიდან ამიერკავკასიის ენერგომშენის მმართველი, რიონჰესის მშენებლობის უფროსი, ერთდროულად მდინარეების ხრამის, იორისა და ალაზნის ენერგეტიკული სქემების დამუშავების ჯგუფის ხელმძღვანელი; 1934-1936წწ. ტრესტ "საქჰიდრომშენის" მმართველი, ხრამჰეს-1-ის მშენებლობის უფროსი, ამიერკავკასიის ფედერაციის სახალხო მეურნეობის უმაღლესი საბჭოს პრეზიდიუმის წევრი. 1936 წელს დააპატიმრეს. ბრალად ედებოდა, რომ იყო კონტრრევოლუციური ზინოვიევურ-ტროცკისტული ტერორისტული ორგანიზაციის ერთ-ერთი აქტიური ხელმძღვანელი. 1937 წელს დახვრიტეს. რეპრესირებული.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.174; ქართული საბჭოთა ენციკლოპედია: ტ. 11.-თბ., 1987.-გვ.567

• ამიერკავკასიის სოციალისტური ფედერციული საბჭოთა რესპუბლიკის (ასფსრ) სახალხო მეურნეობის უმაღლესი საბჭოს პრეზიდიუმი, წევრი
• სკკპ, წევრი (1913-)

• ლენინის ორდენი
• წითელი დროშის ორდენი