ნინო მდივანი

და–ძმა მდივნების – სერგის (სერჟ), დავითის, ნინოს, ალექსის, რუსუდანის (რუსი) წინაპარი ერეკლე II–ის თანამებრძოლი, კავკასიაში რუსების შემოსვლის მოწინააღმდეგე სოლომონ მდივანი იყო. მამა – ზაქარია მდივანი რუსეთის იმპერატორის ნიკოლოზ II-ის ამალის გენერალ–მაიორი და დემოკრატიული საქართველოს სამხედრო მინისტრის მოადგილე, დედა – კი პოლონეთის აჯანყების დროს საქართველოში გადმოსახლებული პოლონელების შთამომავალი, ნახევრად ქართველი ელისაბედ სობოლევსკა იყო. სერგი მდივანმა განათლება მიიღო პეტერბურგის, შემდეგ კი ვარშავისა და პარიზის უნივერსიტეტებში. 1921 წელს ზაქარია მდივნის ოჯახი რუსეთის მიერ საქართველოს ოკუპაციის შემდეგ ემიგრაციაში წავიდა. ოჯახმა თურქეთის გავლით პარიზს შეაფარა თავი. 1925 წელს ნინო მდი­ვა­ნი სტენფორდის უნივერსიტეტის პროფესორს - იურისტსა და სამართალმცოდნე  ჩარლზ ჰურ­ბე­რიხს გაჰ­ყვა ცოლად, თუმ­ცა მათი თერ­თმეტ­წ­ლი­ა­ნი ოჯა­ხუ­რი ცხოვ­რე­ბა გან­ქორ­წი­ნე­ბით დამ­თავ­რდა. ბრის­ტო­ლის ავი­ა­გა­მო­ფე­ნა­ზე ნინო მდი­ვა­ნი და მწე­რალ არ­თურ კო­ნან დო­ი­ლის ვაჟი დე­ნის კო­ნან დო­ი­ლი პირ­ვე­ლად შეხ­ვდნენ ერ­თმა­ნეთს. 1936 წელს ნინო მდი­ვა­ნი ად­ვო­კატ­სა და ავი­ა­ტორს დე­ნის კო­ნან დო­ი­ლის მე­უღ­ლე გახ­და. დე­ნი­სი მოყ­ვა­რუ­ლი ავი­ა­ტო­რი იყო და მთე­ლი ცხოვ­რე­ბა თვითმფრი­ნა­ვე­ბის ახა­ლი მო­დე­ლე­ბის შე­მუ­შა­ვე­ბი­თა და გა­მოც­დით იყო და­კა­ვე­ბუ­ლი. ამი­ტომ მა­მის წიგ­ნე­ბის გა­მო­ცე­მის ექ­სკლუ­ზი­უ­რი უფ­ლე­ბა მე­უღ­ლეს გა­დას­ცა. ქმრის­გან გან­სხვა­ვე­ბით ნინო პრაგ­მა­ტუ­ლი პი­როვ­ნე­ბა გახ­ლდათ და მა­მამ­თი­ლის მემ­კვიდ­რე­ო­ბას სრუ­ლი სე­რი­ო­ზუ­ლო­ბით პატ­რო­ნობ­და. არ­თურ კო­ნან დო­ი­ლის ნა­წარ­მო­ე­ბე­ბიც ყვე­ლა­ზე დიდი ტი­რა­ჟით მას შემ­დეგ იყი­დე­ბო­და რაც გა­მომ­ცემ­ლო­ბის საქ­მე ნი­ნოს ხელ­ში გა­და­ვი­და. დე­ნის კო­ნან დო­ი­ლის გარ­დაც­ვა­ლე­ბის შემ­დეგ უფ­ლე­ბე­ბი არ­თურ კო­ნან დო­ი­ლის ნა­წარ­მო­ე­ბებ­ზე ნი­ნოს ერგო. 1955 წელს დაქვრი­ვე­ბუ­ლი ნინო ცო­ლად გაჰ­ყვა წარ­მა­ტე­ბულ ინ­გლი­სელ გა­მომ­ცე­მელს ენ­ტო­ნი ჰარ­ვუდს. ნინო მდი­ვანს შვი­ლი არ ჰყო­ლია. ის 1987 წელს ლონ­დონ­ში ხან­დაზ­მულ ასაკ­ში გარ­და­იც­ვა­ლა.

წყარო: საინფორმაციო პორტალი: ambebi.ge