სპირიდონ ჯალაღანია

დაბადების ადგილი: ქ. ხონი.

დაამთავრა მოსკოვის უნივერსიტეტის სამედიცინო ფაკულტეტი 1916 წელს.

უნივერსიტეტის დამთავრების შემდეგ საქართველოში დაბრუნდა. სხვადასხვა დროს მუშაობდა ფოთში, შემდეგ ქუთაისში – სამხედრო ჰოსპიტალის მთავარ ექიმად. დაპატიმრებამდე მუშაობდა ქ. ხონის  რაიონის ჯანმრთელობის განყოფილების გამგედ. დაპატიმრების დროს ბრალად დასდეს, რომ 1937 წელს გადაბირებული და ჩართული იყო კონტრრევოლუციურ, არალეგალურ მენშევიკურ ორგანიზაციაში და აქტიურად მონაწილეობდა მის მუშაობაში; ორჯერ დაესწრო ორგანიზაციის არალეგალურ სხდომას; სისტემატურად ჰყვებოდა ანტისაბჭოთა ანეკდოტებს; ხშირად თამაშობდა კარტს. საქართველოს სსრ შინაგან საქმეთა სახალხო კომისარიატთან არსებული განსაკუთრებული სამეულის 1937 წლის 21 ნოემბრის დადგენილებით, სპირიდონ ჯალაღანიასა და კიდევ 7 ბრალდებულს მიესაჯათ სასჯელის უმაღლესი ზომა – დახვრეტა, განაჩენი სისრულეში მოიყვანეს 14 დეკემბერს. რეაბილიტირებულ იქნა 1955 წელს - "განაჩენი გამოტანილი იყო უსამართლოდ, ჯალაღანია უდანაშაულოა წაყენებულ ბრალდებაში". რეპრესირებული, შემდეგ რეაბილიტირებული.

წყარო: ქართული კვირა: kartuli.kvira.ge