ზურაბ გურჩიანი

დაბადების ადგილი: ქ. ზესტაფონი.

სწავლობდა მესტიის რაიონის სოფელ ეცერის საჯარო სკოლაში, რომელიც 1988 წელს წარჩინებით დაამთავრა; ზურაბ გურჩიანი 1991 წელს გახდა სოხუმის ივ. ჯავახიშვილის სახელობის სახელმწიფო უნივერსიტეტის ბიოლოგიის ფაკულტეტის სტუდენტი.

1992-1993წწ., აფხაზეთში მიმდინარე საომარი მოქმედებების დროს, 21 წლის ზურაბ გურჩიანი გაწვეულ იქნა ასეულის მსროლელად (1993 წლის 13 მარტიდან); საქართველოს შეიარაღებული ძალების გენერალური შტაბის არქივში დაცული საბრძოლო მოკვლევების საფუძველზე დადასტურებულია, რომ ზურაბ გურჩიანი გმირულად იცავდა საქართველოს ტერიტორიულ მთლიანობას და არაერთხელ გამოიჩინა თავი ბრძოლის ველზე; იბრძოდა 23-ე მექანიზებული ბრიგადის მე-8 ბატალიონის II ასეულში ე.წ. "ბაგრატიონის ასეულში" მსროლელად; 1993 წლის 5 ივლისს გმირულად დაეცა სოფ. კამანის ბრძოლებში; მხოლოდ 2 თვის შემდეგ, 1 სექტემბერს, ოჯახმა შეძლო მისი ცხედრის მოძიება; დაკრძალულია მშობლიურ სოფელ ეცერში; 2020 წლის ოქტომბერში, საინიციატივო ჯგუფმა (ია ღადუა, ირაკლი შამათავა, რამაზ გერლიანი) სამართლებრივი წინადადებით მიმართა შესაბამის ორგანოებს მესტიის მუნიციპალიტეტის სოფელ ეცერის საჯარო სკოლის სახელდების შესახებ. შედეგად, 2021 წლის 1 აპრილს, საქართველოს განათლებისა და მეცნიერების მინისტრის ბრძანების (№09/ნ) საფუძველზე, სსიპ – მესტიის მუნიციპალიტეტის სოფელ ეცერის საჯარო სკოლას მიენიჭა სამშობლოს დაცვის საქმეში თვალსაჩინო წვლილის მქონე გარდაცვლილი საერო პირის – ზურაბ გურჩიანის სახელი. 
წყარო: მემატიანე, შექმენი შენი ისტორია: mematiane.ge; matsne.gov.ge; სსიპ ვეტერანტების საქმეთა სახელმწიფო სამსახურის ფეიბუქ გვერდი: facebook.com