ნატო დარჩია

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1991 წელს; ბერიტაშვილის სახელობის ფიზიოლოგიის ინსტიტუტის ასპირანტურა - 1995 წელს.

1994-1995წწ. - ი. ბერიტაშვილის სახ. ფიზიოლოგიის ინსტიტუტი, უმცროსი მეცნიერ-თანამშრომელი; 1995-2000წწ. - სამედიცინო უნივერსიტეტი "საქართველო", ლექტორი; 1995-2002წწ. - ი. ბერიტაშვილის სახელობის ფიზიოლოგიის ინსტიტუტი, მეცნიერ-თანამშრომელი; 2002-2004წწ. - აშშ, კალიფორნიის უნივერსიტეტი, დევისი, ფსიქიატრიის დეპარტამენტი, ძილის ლაბორატორია (UCDavis), პოსტ-დოქტორანტი; 2004-2010წწ. - ი. ბერიტაშვილის სახელობის ფიზიოლოგიის ინსტიტუტი, უფროსი მეცნიერ-თანამშრომელი; 2009-2010წწ. - ილიას სახელმწიფო უნივერსიტეტი, მკვლევარი; 2010-2013წწ. - ასოცირებული პროფესორი; 2013 წლიდან - სრული პროფესორი. 2001 წელს გავლილი აქვს 5-თვიანი სტაჟირება საფრანგეთში (გი დე შოლიაკის ჰოსპიტალი, მონპელიე, საფრანგეთი); მჭიდრო სამეცნიერო თანამშრომლობა აქვს კალიფორნიის უნივერსიტეტსა და ჟენევის საუნივერსიტეტო ჰოსპიტალთან. ძირითადი კვლევითი საკითხები: ძილ-ღვიძილის ციკლის ბაზისური მექანიზმები, ძილი და ასაკი, ძილის დარღვევები; მიღებული აქვს სამეცნიერო ჯილდოები და სამეცნიერო გრანტები; 2017 წელს აირჩიეს საქართველოს მეცნიერებათა ეროვნული აკადემიის  სტიპენდიატად; ილიას სახელმწიფო უნივერსიტეტში მუშაობს 2009 წლიდან. ბიოლოგიის მეცნიერებათა დოქტორი (2006).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.101; ილიას სახელმწიფო უნივერსიტეტი: faculty.iliauni.edu.ge

• ამერიკის ძილის კვლევის საზოგადოება (SRS), წევრი
• ევროპის ნეირომეცნიერებათა საზოგადოებების ფედერაცია (FENS), წევრი
• ევროპის ძილის კვლევის საზოგადოება (ESRS), წევრი
• ნეირომეცნიერთა საერთაშორისო საზოგადოება (SfN), წევრი
• საქართველოს ნეირომეცნიერთა ასოციაცია, წევრი
• საქართველოს ფიზიოლოგთა საზოგადოება
• საქართველოს ძილ-ღვიძილის კვლევის ასოციაცია, წევრი
• ტვინის კვლევის საერთაშორისო ორგანიზაცია (IBRO), წევრი