ბახვა ბრეგვაძე

დაბადების ადგილი: ქ. თბილისი.

დაამთავრა კავკასიის უნივერსიტეტის სამართლის სკოლა და მოიპოვა საერთაშორისო სამართლის მაგისტრის ხარისხი 2010 წელს; სწავლა გააგრძელა სტრასბურგის ადამიანის უფლებათა საერთაშორისო ინსტიტუტში; 2012–2013წწ. სწავლობდა საფრანგეთის ეროვნული კინომატოგრაფიის სკოლაში; ბიზნესსა და მარკეტინგს სწავლობდა კავკასიის ბიზნესის სკოლაში და საქართველოს ტექნიკურ უნივერსიტეტში, ასევე Start up and Scale up-ს გამოყენებითი მეცნიერებების ამსტერდამის უნივერსიტეტში.

2007 წლიდან არის "სარაჯიშვილის" მარკეტინგისა და საზოგადოებასთან ურთერთობის სამსახურის ხელმძღვანელი; 2018 წლის ნოემბრიდან, სამაუწყებლო კომპანია "იმედის" ეთერში გადაცემა "დღის იმედის" წამყვანი; ცნობილია "ბახვას" კინო-გმირის როლით "ფორმულა კრეატივის" მიერ გადაღებულ სერიალში "ჩემი ცოლის დაქალები" და მაღალრეიტინგული მეგა ტელე-შოუებით "ჩვენ ვარსკვლავები ვართ" (Georgian Pop Idol ) და X ფაქტორი (X Factor Georgia); არის სხვადასხვა ღონისძიებებისა და გალა კონცერტების წამყვანი; ის უძღვებოდა 2018 წლის თბილისის მთავარ საახალწლო გალა კონცერტს; 2014 წელს პარტნიორებთან ერთად დააფუძნა გამომცემლობა "რედაქცია N3", რომელიც აერთიანებს ჟურნალებს: კულინART, თორმეტი, Georgia To See და Forbes (Woman); არის ამ ჟურნალების დამფუძნებელი და კრეატიული დირექტორი; ფილმოგრაფია: 2014 წელს აქტიურად დაინტერესდა სამსახიობო კარიერით და "ბახვას" როლი შეასრულა "ფორმულა კრეატივის" მიერ გადაღებულ მაღალრეიტინგულ ქართულ სერიალში "ჩემი ცოლის დაქალები" (სეზონი 5, სეზონი 6, სეზონი 7, სეზონი 8, სეზონი 9); 22 წლის ასაკში, რეჟოსორმა არჩილ ქავთარაძემ პირველად გადაიღო კინოფილმში "სუბორდინაცია"; 2015 წელს რეჟისორმა ნიკა მარიმ გადაიღო ფილმში "აუტანელი არდადეგები", 2018 წელს დიტო ცინცაძემ ფილმში "ჩასუნთქვა და ამოსუნთქვა" და კოტე კალანდაძემ ფილმში "დრამერი". ტელეწამყვანი, მსახიობი, გამომცემელი, მარკეტერი და რადიოწამყვანი.