კონსტანტინე შარვაშიძე

დაამთავრა კიევის ვლადიმირის სამხედრო გიმნაზია; მე-3 სამხედრო სასწავლებელი და ოფიცერთა სკოლა.

სამხედრო სამსახურში იყო 1879 წლიდან. პოდპორუჩიკი (1881), შტაბს-კაპიტანი (1892), კაპიტანი (1896). პორუჩიკის ჩინით 1885 წლიდან მსახურობდა ერევნის გრენადერთა მე-13 პოლკში. სხვადასხვა დროს მსახურობდა საქართველოში, რუსეთსა და სომხეთში; ხელმძღვანელობდა სამხედრო ნაწილებსა და სამხედრო ოპერაციებს. 1904-1905 წლებში მონაწილეობდა რუსეთ-იაპონიის ომში; 1909 წელს გადაიყვანეს სოხუმში. იყო I მსოფლიო ომის მონაწილე; დაიღუპა სოფელ კორობეცთან (ქ. სუვალკის მახლობლად, პოლონეთი) გამართული ბრძოლების დროს; გარდაცვალების შემდეგ, 1915 წლის 15 თებერვალს მიენიჭა პოლკოვნიკის წოდება. დაწესებული იყო კონსტანტინე შარვაშიძის სახელობის სტიპენდია სოხუმის რეალური სასწავლებლის, სოხუმის ქალთა გიმნაზიის და სოხუმის მებაღეობის სკოლის სტუდენტებისათვის.

წყარო: რუსეთის საიმპერატორო არმიის ოფიცრები: ria1914.info

• 1907 - წმინდა ანას II ხარისხის ორდენი
• 1902 - წმინდა სტანისლავის II ხარისხის ორდენი