სოფიო კუბლაშვილი

დაბადების ადგილი: ქ. ქუთაისი.

1994-1999 წლებში სწავლობდა ჯერ თბილისის, შემდეგ ქუთაისის სახელმწიფო უნივერსიტეტის ფილოლოგიის ფაკულტეტზე; მინიჭებული აქვს ქართული ენის ფილოლოგიის მაგისტრის ხარისხი.

2001-2019წწ. მუშაობდა ქუთაისისა და თბილისის საჯარო თუ კერძო საშუალო სკოლებში ქართული ენისა და ლიტერატურის მასწავლებლად; არის სერტიფიცირებული პედაგოგი; 2000-2006წწ. მუშაობდა ქუთაისის აკაკი წერეთლის სახელობის სახელმწიფო უნივერსიტეტში, ქართველური დიალექტოლოგიის სამეცნიერო-კვლევით ინსტიტუტში; იყო იმერული დიალექტის შემსწავლელი სამეცნიერო ჯგუფის მეცნიერ-თანამშრომელი, მონაწილეობდა დიალექტურ-ეთნოგრაფიულ ექსპედიციებში; 2012-2022წწ. მუშაობდა ბავშვთა ადრეული განვითარების სპეციალისტად და პროგრამების კოორდინატორად შემდეგ ორგანიზაციებში: "ხიდი სოციალური ინკლუზიისთვის" (ქუთაისი), "SOS ბავშვთა სოფელი" (ქუთაისი), "ღია სახლი" ქუთაისი).

ლიტერატურული შემოქმედება: საბავშვო პროზა - თხზულება "მარცვალას ოინები" - გამომცემლობა ინტელექტი, 2024 (კონკურსის "გახდი საბავშვო ბესტსელერის ავტორი - 2021" ფინალისტი); რომანი "ორი დაბადება" - გამომცემლობა ინტელექტი, 2021; ნოველების კრებული "ოკრიბის ღმერთი" - გამომცემლობა ინტელექტი, 2019 (2020 წელს ლიტერატურული კონკურსის - "ლიტერა" - ფინალისტი, წლის საუკეთესო დებიუტის ნომინაციაში); 2018-2019 წწ. მოთხრობები "გელა", "მონადირე", "გაფუჭებული ტელეფონი", "მესამე მე" - კონკურსის "ვწერ მასწავლებლისთვის" საუკეთესო ათეულის შემადგენლობაშია. "მასამე მე" საპრიზო ადგილის ლაურეატია (2023). მოთხრობები გამოქვეყნებულია ჟურნალ "მასწავლებლის" სპეციალურ გამოცემებში და ინტერნეტგაზეთ "mastsavlebeli.ge"-ზე. "მონადირე", "გელა", მოთხრობების კრებული "ვწერ მასწავლებლისთვის", გამომცემლობა ინტელექტი, 2023; მოთხრობა "ნარინჯისფერი ავტობუსი", ჟურნალი "არილი", 2022, N8 (308); მოთხრობა "როცა სიზმარში დემონი მოდის", გაზეთი "ლიტერატურული გაზეთი", 2021, N294-295; მოთხრობა "გვირაბი", გაზეთი "ლიტერატურული საქართველო", 25 სექტემბერი, 2020, N20; ლექსების კრებული "კარის პოეზია", ელექტრონული წიგნების სახლი - "საბა", 2017.

• კოგნიტური განვითარების სკოლა სამკუთხედი, თანადამფუძნებელი

• მარცვალას ოინები (ავტორი). - თბილისი, ინტელექტი, 2024. - გვ.200. - ISBN: 978-9941-31-691-3
• ვწერ მასწავლებლისთვის (თანაავტორი). - თბილისი, ინტელექტი, 2023. - გვ.311-341. - ISBN: 978-9941-31-684-5
• ორი დაბადება : რომანი (ავტორი). - თბილისი, ინტელექტი, 2021. - 328გვ.. - ISBN: 9789941313110
• ოკრიბის ღმერთი : მოთხრობები (ავტორი). - თბილისი, ინტელექტი, 2019. - 252გვ.