ივანე გიორგბერიძე

დაბადების ადგილი: ქ. ხონი.

დაამთავრა მოსკოვის ტიმირიაზევის სახელობის სასოფლო სამეურნეო აკადემია 1934 წელს.

მუშაობა დაიწყო აჯამეთ-ქუთაისის ჯიშთმცოდნეობის გაერთიანებული პუნქტის გამგედ, შემდეგში - ამავე პუნქტის ბაზაზე შექმნილი მეხილეობა-მებოსტნეობის სადგურის გამგედ; პარალელურად ეწეოდა პედაგოგიურ საქმიანობას, 1947-1957წწ. ქუთაისის პედაგოგიური ინსტიტუტის ბიოლოგიის ფაკულტეტზე მიჰყავდა "სოფლის მეურნეობის საფუძვლების" კურსი; 1953-1956წწ. - ხელმძღვანელობდა ამავე ინსტიტუტის ბოტანიკის კათედრას; 1957-1973წწ. იყო ქუთაისის სასოფლო-სამეურნეო ინსტიტუტის რექტორი; 1959 წლიდან ქუთაისის სასოფლო სამეურნეო ინსტიტუტი გადატანილ იქნა ქალაქ სოხუმში და მას ეწოდა "საქართველოს სუბტროპიკული მეურნეობის ინსტიტუტი"; 1973 წლიდან სამუშაოდ გადავიდა თბილისში, საქართველოს სასოფლო-სამეურნეო ინსტიტუტში, სადაც მუშაობდა გარდაცვალებამდე. მრავალი სამეცნიერო ნაშრომის ავტორი; მან დაამუშავა დასავლეთ საქართელოს პირობებში საკონსერვო ბოსტნეულის აგროტექნიკური საკითხები; შეისწავლა მწვანე ბარდის ჯიშების აგროტექნიკა და დანერგა ისინი საქართველოში, როგორც შუალედური კულტურები; მისი ავტორობით და თანაავტორობით გამოყვანილი და სელექციურად გაუმჯობესებულია საკონსერვო ხილ-ბოსტნეულის 23 ჯიში. მიღებული აქვს სახელმწიფო ჯილდოები. აგრონომი, სოფლის მეურნეობის მეცნიერებათა კანდიდატი (1952), პროფესორი (1961).

წყარო: აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University/იმერ ბასილაძე, ნესტან კუტივაძე. -ქუთაისი, 2013. -გვ.98-100; საქართველო: ენციკლოპედია: ტ.2. – თბ., 2012. – გვ. 15-16

• 1966 - საქართველოს მეცნიერების დამსახურებული მოღვაწე
• 1961 - აფხაზეთის ავტონომიური რესპუბლიკის დამსახურებული მოღვაწე
• შრომის წითელი დროშის ორდენი
• ლენინის ორდენი
• ოქტომბრის რევოლუციის ორდენი

• სიახლენი მემცენარეობაში : მეთოდური რეკომენდაციები სოფლის მეურნეობის სპეციალისტთა კვალიფიკაციის ამაღლების ფაკულტეტის მსმენელთათვის (ავტორი). - თბილისი, საქ. სსრ სოფ. მეურნ. სამინისტრო. მეცნიერებისა და პროპაგანდის სამმართველო, 1982. - 129გვ.