ვიანორ ანჩაბაძე

დაბადების ადგილი: ქ. სოხუმი.

დაამთავრა თბილისის ვაჟთა 1-ლი გიმნაზია 1908 წელს; პეტერბურგის სამხედრო-სამედიცინო აკადემია 1914 წელს.

დაიბადა პოდპოლკოვნიკ თავად ტარას (თარაშ) ანჩაბაძის და ქართველთა შორის წერა-კითხვის გამავრცელებელი საზოგადოების აქტიური წევრის, მარიამ დადიანი-ანჩაბაძისას ოჯახში; მისი ძმები (მ. შ. ვალერიან ანჩაბაძე) სამხედრო სამსახურში იყვნენ; ანჩაბაძე I მსოფლიო ომში მონაწილეობდა, როგორც სამხედრო ექიმი; 1918-1921წწ. იყო აფხაზეთის სახალხო საბჭოს წევრი სოციალისტ-რევოლუციონერთა პარტიიდან, ცენტრალურ ხელისუფლებასთან ერთად საკონსტიტუციო საკითხებზე მომუშავე ჯგუფის წევრი, აფხაზეთის კომისარიატის სამედიცინო-სანიტარული განყოფილების უფროსი; საქართველოს გასაბჭოების შემდეგ სხვადასხვა დროს იყო რსფსრ ჯანმრთელობის დაცვის სახალხო კომისარიატის მთავარი რწმუნებული აფხაზეთის კურორტებზე (1921-1928), 1928-1937წწ. აფხაზეთის ჯანმრთელობის დაცვის სახალხო კომისარი; დახვრიტეს მასობრივი რეპრესიების დროს კონტრრევოლუციური საქმიანობის ბრალდებით; მისი მეუღლე — ვერა შენგელაია 7 წლით "გულაგის" ბანაკში იყო გამწესებული; მათი შვილი იყო შემდგომში ცნობილი ისტორიკოსი ზურაბ ანჩაბაძე. საზოგადო და პოლიტიკური მოღვაწე, აფხაზეთის თავადთა საგვარეულოს წარმომადგენელი.

წყარო: სსრკ-ს რეპრესიების მსხვერპლთა ღია სია: ge.openlist.wiki